Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýda koronavırýs juqtyrǵan 57 áıel em qabyldap jatyr

2021 jyldyń 21 shilde 2021 13:00

AQTAÝ. QazAqparat - Mańǵystaý oblysyna jasaǵan jumys sapary barysynda Densaýlyq saqtaý vıtse-mınıstri Ajar Ǵınııat Aqtaý qalasyndaǵy eki medıtsınalyq nysanda boldy, dep habarlaıdy QazAqparat tilshisi.

Vıtse-mınıstr Mańǵystaý oblysy ákiminiń orynbasary Gúlmıra Qalmuratova jáne oblystyq densaýlyq saqtaý basqarmasy basshysynyń orynbasary Amanbek Jumyrovpen birge koronavırýs juqtyrǵan naýqastarǵa emdeýge arnalǵan modýldik statsıonarda jáne oblystyq «Ana men bala» perınataldyq ortalyǵyna bardy.




Mańǵystaý oblystyq aýrýhanasynyń janyndaǵy ınfektsııalyq bólimshesi 480 tósek orynǵa eseptelgen. Onyń ishinde 40 tósek oryn jańsaqtaý bólimine túsetin naýqastarǵa arnalǵan. Qazirgi ýaqytta munda 294 naýqas em qabyldap jatyr. Onyń 239 koronavırýs ınfektsııasyn juqtyrǵandar, 139 er adam bolsa, 155 áıel adam. 266 naýqastyń jaǵdaıy ortasha dárejede aýyr dep baǵalansa, 12 naýqastyń jaǵdaıy aýyr, 16 naýqas óte aýyr jaǵdaıda. Budan bólek 28 adam naýqas jańsaqtaý bólimshesinde.




Ajar Ǵınııat barǵan taǵy bir medıtsınalyq mekeme oblystyq «Ana men bala» ortalyǵy boldy. Atalmysh mekemeniń dırektory Japyraq Epenovanyń aıtýynsha, Mańǵystaý oblystyq densaýlyq saqtaý basqarmasynyń shyǵarǵan buıryǵyna sáıkes ústimizdegi jyldyń 17 shildesinen 50 ınfektsııalyq jáne jasaqtaý tósek oryndary daıarlanǵan. Qazirgi ýaqytta ınfektsııalyq bólimshede 57 áıel jatyr, onyń 8 jasaqtaý bólimshesinde tynys alý apparatyna qosylǵan. Sol 57 áıeldiń 39 júkti, qalǵan 18 bosanǵandar.


















Joǵary qaraı