Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaýda kólik túıemen soqtyǵysyp, bir adam qaza tapty

2021 jyldyń 18 qazan 2021 14:03

AQTAÝ. QazAqparat- Mańǵystaýda kólik túıemen soqtyǵysyp, bir adam qaza tapty, dep habarlaıdy QazAqparat tilshisi.

Qaıǵyly oqıǵa «Beıneý-Boranqul» tasjolynda bolǵan. Oblystyq Polıtsııa departamentiniń baspasóz qyzmetiniń habarlaýynsha, 17 qazan kúni saǵat 00:30 shamasynda Beıneý polıtsııa bólimine «Beıneý-Boranqul» tasjolyndaǵy jol-kólik oqıǵasy týraly habarlama kelip túsken.

1949 jyly týǵan júrgizýshi «GAZ-3110» avtokóligimen kele jatyp, jolǵa atyp shyqqan túıeni qaǵyp ketken.

«Nátıjesinde bir jolaýshy jaraqat alǵan. Ókinishke qaraı, ol oqıǵa ornynda qaıtys bolǵan»,- delingen baspasóz habarlamasynda.

Polıtseıler jol kólik oqıǵasyna sebepshi bolǵan túıege jaryq beretin lenta jáne qulaǵyna syrǵasy taǵylmaǵanyn anyqtady.

Sotqa deıingi tergeý barysynda jol-kólik oqıǵasynyń barlyq mán-jaılary anyqtalýda. Qajetti saraptamalar taǵaıyndaldy.


Avtor Qarakóz Marat
Basty sózder: Mańǵystaý oblysy, Oqıǵa, Kólik,
Joǵary qaraı