Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý turǵynynyń ekpeden qaıtys bolǵany jaıly aqparat jalǵan – komıtet

2021 jyldyń 21 qańtar 2021 12:10

NUR-SULTAN. QazAqparat – Áleýmettik jelilerde Mańǵystaý oblysy turǵynynyń vaktsınadan keıin qaıtys bolǵany týraly aqparat taraǵan edi.

QR DSM Sanıtarııalyq-epıdemıologııalyq baqylaý komıtetiniń resmı ókili Erjan Baıtanaev bul aqparattyń jalǵan ekenin aıtty, dep habarlaıdy QazAqparat tilshisi.

«Mańǵystaý oblysy Munaıly aýdany Batyr aýylynyń turǵyny vaktsına saldyrǵannan keıin qaıtys boldy degen aqparat jalǵan. Facebook áleýmettik jelisinde jarııalanǵan 1978 jyly týǵan er adam osy jyldyń 19 qańtarynda qan qysymynyń kóterilýine baılanysty qaıtys bolǵan. Ol eshqandaı vaktsına saldyrmaǵan. Búgingi kúni Mańǵystaý oblysyna koronavırýs ınfektsııasyna qarsy vaktsına jetkizilmegen. Vaktsınanyń birinshi partııasyn aımaqqa jetkizý 2021 jyldyń 28-29 qańtaryna josparlanǵan. Birinshi kezekte juqpaly aýrýlar aýrýhanalarynyń, jedel medıtsınalyq járdemniń, reanımatsııanyń, MSAK-tyń, qabyldaý bólmeleriniń, sanepıdqyzmet mamandarynyń medıtsına qyzmetkerleri vaktsınamen qamtylatynyn atap ótemiz. Qaıtys bolǵan azamat osy sanattardyń eshqaısysyna jatpaıdy», - dep habarlady komıtetten.

Komıtet QR Qylmystyq kodeksiniń 274-babyna sáıkes kórineý jalǵan aqparat taratý 1000 AEK-ke deıingi mólsherde aıyppul salýǵa ne 1 jylǵa deıingi merzimge shekteýge nemese odan aıyrýǵa jazalanatynyn eske salady.





Joǵary qaraı