Aýa raıy
Astana 6 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý turǵyndary erekshe qusty vıdeoǵa túsirip aldy

2020 jyldyń 3 tamyz 2020 10:43

NUR-SULTAN. QazAqparat - Erekshe qus Jańaózendegi munaı ken oryndarynyń birinde vıdeoǵa túsirildi. Beınerolıkke Ekologııa, geologııa jáne tabıǵı resýrstar mınıstrliginiń baspasóz qyzmetinde túsinikteme berdi, dep habarlaıdy QazAqparat lada.kz saıtyna silteme jasap.

Ekologtardyń túsindirýinshe, bul qus – qarabaı, ushyp qaıtý kezinde Mańǵystaý oblysyndaǵy aǵyn sýlar aýmaǵynda kezdesedi. Qazirgi kezde olar munaı kásipornynan ushyp ketti.

Qarabaı – tumsyǵy uzyn, doǵa tárizdes, kólemi ortasha qus. Jaz mezgilinde kúńgirt qyzyl-qońyr tústi, mańdaıy, tóbesi, arqasy jáne qanattary jasyl, kúlgin tústi bolady. Qysta astyńǵy jaǵy qońyr, kúlgin tústi bolsa, basy men moıynynyń joǵarǵy bóligi topyraq tústes-kúńgirt bolyp, qaýyrsyndarynyń túsi aq bolady.

Atalyǵy analyǵynan basyndaǵy aıdarymen erekshelenedi (analyǵynda mundaı aıdar bolar-bolmas kórinedi nemese múldem bolmaıdy), tumsyǵy azdap qana ımek, kólemi de basqa. Sıraqtary jasyl-qara tústi, tumsyǵy, kóziniń jan-jaǵy jasyl-kúńgirt tústi.

Qarabaı – Kaspııdiń soltústik jaǵalaýy men Jaıyq pen Oral saǵasynda uıa salady. Buryn Syrdarııanyń tómengi jaǵyn, Torǵaı jáne Іle saǵasyn mekendegen. Shoshqakól kólin de meken etýi múmkin. Batys Qazaqstan men Kóshimniń tómengi jaǵynda, Mańǵyshlaq pen Ústirtte ushyp-qonady. Naýryzym qoryǵyna (1986 jáne 1989 jyly kóktemde), Qorǵaljyn (1971 jyldyń 7 sáýirinde) jáne Іle saǵasyna (1983 jyldyń 23 sáýirinde 30 qus) ushyp qonǵany belgilengen, dep baıandady ekologtar.


Basty sózder: Ekologııa, Mańǵystaý oblysy,
Joǵary qaraı