Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý óńiriniń týrıstik áleýeti damytylmaq

2021 jyldyń 27 qarasha 2021 22:28

NUR-SULTAN. QazAqparat – Mańǵystaý óńirinde quny 300 mlrd teńgeden asatyn 13 týrıstik joba iske asyrylady. Bul jaıynda Senat depýtattarynyń saýalyna QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.

«Qazirgi ýaqytta QR Tuńǵysh Prezıdenti – Elbasy Nursultan Nazarbaevtyń 2018 jylǵy 12 tamyzdaǵy Mańǵystaý oblysyna sapary barysynda bergen tapsyrmasyna sáıkes Kaspıı teńiziniń jaǵalaýy boıynsha Aqtaý qalasynan Quryq portyna deıingi kýrorttyq aımaqty damytý úshin birqatar ınfraqurylymdyq jobalar, onyń ishinde elektrmen, sýmen, gazben jabdyqtaý jáne avtojoldardy salý jáne rekonstrýktsııalaý boıynsha birqatar ınfraqurylymdyq jobalar iske asyrylýda», - dedi Asqar Mamın jaýabynda.

Úkimet basshysynyń atap ótýinshe, Qazaqstan Respýblıkasynyń týrızm salasyn damytýdyń 2019-2025 jyldarǵa arnalǵan memlekettik baǵdarlamasy aıasynda Mańǵystaý oblysy respýblıkanyń perspektıvaly týrıstik aımaqtarynyń TOP-10 qataryna kirdi.

«2020 jyly Mańǵystaý oblysynyń ornalastyrý oryndary 160 myń adamdy qabyldady. Týrızm salasyna 71,8 mlrd teńge ınvestıtsııa tartyldy (2019 jylmen salystyrǵanda 3,1 ese ósti) jáne 4,3 mlrd teńgege ornalastyrý oryndary qyzmet kórsetti. Jalpy, óńirdegi týrızm salasy boıynsha 2021-2025 jyldar kezeńinde somasy 300 mlrd teńgeden asatyn 13 jobany iske asyrý josparlanǵan», - dedi Premer-Mınıstr.


Joǵary qaraı