Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý óńirine qajetti medıtsına qyzmetkerlerine tolyq áleýmettik qoldaý kórsetilýi tıis - Prezıdent

2021 jyldyń 22 qyrkúıek 2021 19:45

NUR-SULTAN. QazAqparat – Aqtaý qalasyndaǵy týrıstik aýmaqta ınjenerlik jáne kólik ınfraqurylymy jasalýǵa tıis. Bul týraly Mańǵystaý oblysyna jumys sapary barysynda óńirdiń áleýmettik-ekonomıkalyq damýy jóninde keńes ótkizgen QR Prezıdenti Qasym-Jomart Toqaev aıtty, dep habarlaıdy QazAqparat tilshisi Aqordanyń baspasóz qyzmetine silteme jasap.

Qasym-Jomart Toqaev densaýlyq saqtaý problemalaryna arnaıy toqtaldy. Memleket basshysy oblysta ekpe salý jumysy óte baıaý júrip jatqanyn, eńbek ujymdary ekpeden jappaı bas tartyp otyrǵanyn, jergilikti jurttyń jartysyna jýyǵy medıtsınalyq qyzmettiń sapasyna rıza emes ekenin atap ótti. Prezıdent dárigerlerdiń jetispeýshiligin taǵy bir ótkir problema retinde kóterdi.

«Óńirde 276 medıtsına mamany jetispeıdi. Sonyń ishinde emhanalarǵa 147 dáriger qajet. Sóıte tura, joldamamen kelgen jas mamandardyń 28 paıyzy ǵana áleýmettik qoldaýǵa ıe bolǵan. Bul esh qısynǵa kelmeıdi. Biz jas mamandardy jumysqa belsendi tartyp jatyrmyz. Biraq, olarǵa ýáde etken kómekti bere almaı otyrmyz. Aımaqqa qajetti barlyq medıtsına qyzmetkerlerine tolyq áleýmettik qoldaý kórsetýdi oblys ákimdigine tapsyramyn», – dedi Qasym-Jomart Toqaev.

Sonymen qatar Memleket basshysy densaýlyq saqtaý júıesiniń ınfraqurylymy men materıaldyq-tehnıkalyq bazasyn jańartýdy mańyzdy mindet sanaıdy. Úkimet pen ákimdik osy máseleni sheshýi kerek.


Joǵary qaraı