Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mańǵystaý  oblysynda týrızm salasyndaǵy 14 nysannyń qurylysy júrgiziledi

2022 jyldyń 25 qańtar 2022 10:22

NUR-SULTAN. QazAqparat – Mańǵystaý oblysyn damytýdyń ózektilendirilgen keshendi jospary jalpy qarjylandyrý kólemi 2,1 trln teńgeni quraıtyn 226 is-sharadan turady. Bul týraly Úkimet otyrysynda QR Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.

«Mańǵystaý oblysyn damytýdyń ózektilendirilgen keshendi jospary jalpy qarjylandyrý kólemi 2,1 trln teńgeni quraıtyn 226 is-sharadan turady, onyń ishinde respýblıkalyq bıýdjet – 375,2 mlrd teńge, jergilikti bıýdjet – 117,9 mlrd teńge, jeke ınvestıtsııalar - 1,6 trln teńge. Ónerkásip salasynda «Dýnga» ken ornyn ıgerýdiń 3-fazasyn iske asyrý, Aqtaý qalasynda munaı-hımııa keshenin salý jáne basqa da is-sharalar josparlanǵan. Agroónerkásiptik kesheni salalarynda 25 ınvestıtsııalyq jobany iske asyrý jáne balyq sharýashylyǵy óniminiń ónimdiligi men sapasyn arttyrýdy sýbsıdııalaý, sondaı-aq asyl tuqymdy balyq sharýashylyǵyn damytý josparlanýda», - dedi Á. Qýantyrov.

Onyń aıtýynsha, týrızm salasynda 14 nysannyń qurylysy kózdelgen.

Sonymen qatar, 1059 shaqyrym jergilikti mańyzy bar avtojol, 87,9 shaqyrym elektr jelisin, 116 shaqyrym jylý jelisin salý ári jóndeý, sondaı-aq tuylandyrý zaýyttary men qondyrǵylarynyń 9 jobasyn salý josparlanyp otyr.

«Áleýmettik salany damytý aıasynda aýdandyq ortalyq aýrýhana, 24 mektep jáne 11 japsarlas qurylys salý, 5 kolledjdi jabdyqtarmen jaraqtandyrý jáne taǵy basqalary qarastyrylǵan. Júrgizilgen jumystardyń nátıjesinde Mańǵystaý oblysynda ónerkásip kólemi 28%-ǵa, týrıster aǵyny 4,6 esege artady, jaqsy jáne qanaǵattanarlyq jaǵdaıdaǵy joldardyń úlesi 100%-ǵa jetedi, sondaı-aq 4 mln sharshy metr turǵyn úı paıdalanýǵa beriledi», - dedi mınıstr.

Budan buryn habarlanǵandaı, búgin Úkimet otyrysynda elimizdiń batys óńirlerin keshendi damytýdyń josparlary tanystyryldy.


Joǵary qaraı