Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysynda shıki gaz óndiretin zaýyt salynady

2021 jyldyń 12 qazan 2021 22:23

NUR-SULTAN. QazAqparat – Mańǵystaý oblysynda shıki gaz óndiretin jańa zaýyttyń jobasy qaralyp jatyr. Jospar boıynsha jańa ónerkásip 2024 jylǵa deıin paıdalanýǵa berilmek.

Bul týraly QR Energetıka vıtse-mınıstri Áset Maǵaýov málim etti, dep habarlaıdy QazAqparat.

«Elimizde jyl saıyn 3,2 mln tonna shıki gaz óndiriledi. Onyń 1,5 tonnasy eksporttalady. Bizdiń mınıstrlik júrgizgen taldaý nátıjesi elimizde sońǵy jyldary shıki gazdy tutyný kórsetkishiniń artqanyn kórsetip otyr. Oǵan dálel 2019 jyly shıki gazdy qoldanatyn 139 myń kólik bolsa, bıyl bul kórsetkish 2,5 esege artyp, 313 myńǵa jetip otyr. Sondaı-aq, shıki gazdyń baǵasy benzınge qaraǵanda 2-3 esege arzan ekenin aıtyp ótken jón. Árıne ár aımaqtyń óz baǵasy bar», - dedi Áset Maǵaý Ortalyq komýnıkatsııalar qyzmetinde ótken baspasóz máslıhatynda.

Onyń aıtýynsha, búginde elimizde shıki gazdy tutyný kólemi men oǵan degen suranys artyp otyr.

«Suranystyń artýyna baılanysty ishki naryqta tapshylyq bar. Osy oraıda elimizde shıki gaz óndiretin jańa zaýyt salý sharasy qolǵa alyndy. Atap aıtqanda, búginde Mańǵystaý oblysynda jańa zaýyt jobasy qaralyp jatyr. Onyń qýaty jylyna 232 myń tonnany quraıdy jáne atalǵan kásiporyndy 2024 jyldyń 1 qańtaryna deıin paıdalanýǵa berý josparlanyp otyr», - deıdi ol.

Buǵan deıin mınıstr orynbasary elimizde benzınmen qamtý jaǵdaıynyń turaqty ekenin aıtty.

Odan bólek, Á. Maǵaýov dızel baǵasyna qatysty jaǵdaıdy túsindirdi.



Joǵary qaraı