Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mańǵystaý oblysynda nóser jańbyr, burshaq jaýýy múmkin

2022 jyldyń 20 mamyr 2022 18:42

NUR-SULTAN. QazAqparat – 21 mamyrda Mańǵystaý oblysynda kún raıy buzylady degen boljam bar. Osy oraıda, oblystyq TJD qaýipsizdik sharalaryn saqtaýdy eskertedi, dep habarlaıdy QazAqparat.

«Jańbyr kezinde jol taıǵaq bolady, terezeden aınala anyq kórinbeıdi. Sondyqtan, jaıaý júrginshilerge óte muqııat bolý kerek. Júrgizýshilerden jyldamdyqty tómen ustap, ózge kólikterge qatty jaqyndamaýdy suraımyz. Daýyl qaýpi týǵanda balkondy tekserip shyǵý qajet. Jeńil jáne kólemdi zattardy bekitilýi nemese bólmege kirgizilýi tıis. Kólikti aǵashtardyń jáne eski qurylǵylardyń mańynan alyp tastaý kerek. Eń mańyzdysy, balalardy qaraýsyz qaldyrmańyz. Qatty jel kezinde ǵımarattardyń qasyna turmańyz, shatyrlar, basqa da nárseler ushyp túsýi múmkin», - dep eskertedi departamentten.

Aıta keteıik, boljam boıynsha oblystyń soltústik-shyǵysynda nóser jańbyr jaýady. Al, batysynda jáne soltústik-shyǵysynda naızaǵaı oınap, burshaq jaýyp, shańdy daýyl kóterilýi yqtımal. Oblys ortalyǵy – Aqtaýda da naızaǵaı oınap, daýyl turýy múmkin. Jeldiń jyldamdyǵy - 15-20 m/s.


Basty sózder: TJD, Aýa raıy, Mańǵystaý oblysy,
Joǵary qaraı