Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysynda karantın sharalary kúsheıtildi

2021 jyldyń 24 shilde 2021 18:18

AQTAÝ. QazAqparat - Mańǵystaý oblysynyń bas memlekettik sanıtarııalyq dárigeriniń jańa qaýlysy jarııalandy, dep habarlaıdy QazAqparat tilshisi.

Epıdemıologııalyq jaǵdaıdy baǵalaý matrıtsasyna sáıkes, Mańǵystaý oblysy «qyzyl» aımaqta tur.

«Óńirdegi barlyq qala, aýdandardaǵy obektiler óz qyzmetin «qyzyl» aımaqtyń talaptary boıynsha júzege asyratyn bolady. «Ashyq» jobasyna qatysatyn nysandardy qospaǵanda, qalaaralyq, oblysaralyq, qalalyq avtobýs tasymaldary, jabyq jaǵajaılar men akvaparkterdiń qyzmeti toqtatyla turady. Demalys jáne mereke kúnderi «Ashyq» jobasy boıynsha jumys isteıtin nysandar qyzmetine tyıym salynady. Olardyń ishinde «Ashyq» jobasyna qosylmaǵan qoǵamdyq tamaqtaný oryndarynyń, fıtnes-ortalyqtardyń, sporttyq-saýyqtyrý obektileriniń, saýnalardyń, SPA-ortalyqtardyń, basseınderdiń, kınoteatrlardyń, teatrlardyń, kontsert zaldarynyń, fılarmonııanyń, kompıýterlik klýbtardyń, boýlıng, bılıard, karaoke zaldarynyń jáne dinı mekemelerdiń qyzmetine tyıym salynady», - delingen qujatta.

Jumys kúnderi qyzmetin shekteý «Ashyq» jobasynyń qatysýshylary qoǵamdyq tamaqtaný obektileri, fýdkort - 20:00-ge deıin, «Ashyq» jobasyna qatyspaıtyn obektiler 17:00-ge deıin jumys isteıdi.

Sondaı-aq, «Ashyq» jobasyna qatysatyn fıtnes-ortalyqtar, Fıtnes-klýbtar, ıoga-ortalyqtar, sporttyq-saýyqtyrý obektileri, saýnalar, SPA-ortalyqtar, sport obektileri, basseınder - saǵat 20:00-ge deıin, «Ashyq» jobasyna qatyspaıtyn nysandar saǵat 17: 00-ge deıin qyzmetin jalǵastyrady. Kınoteatr – «Ashyq» jobasynyń qatysýshylary úshin 20:00-ge deıin ashyq.

Al balalar oıyn-saýyq ortalyqtary, ashyq jáne jabyq naryqtar 17:00-ge deıin jumys isteıdi. Barlyq uıymdar úshin qyzmetkerlerdiń 80% úshin qashyqtyqtan jumys isteý formatyna kóshýi tıis.


Joǵary qaraı