Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysynda 500 myń kitap qory bar jańa kitaphana ashyldy

2021 jyldyń 24 qarasha 2021 12:01

AQTAÝ. QazAqparat - El Táýelsizdiginiń 30 jyldyq mereıtoıy qarsańynda Mańǵystaý oblysynyń ortalyǵy Aqtaý qalasynda ozyq úlgidegi ámbebap kitaphana ashyldy, dep habarlaıdy QazAqparat.

Mańǵystaý oblysy ákiminiń baspasóz qyzmetinen málim etkendeı, ​Qabıbolla Sydıyqov atyndaǵy Mańǵystaý oblystyq ámbebap kitaphanasynyń jańa ǵımaratynyń ashylý saltanatyna oblys ákimi Nurlan Noǵaev, Túrki mádenıetiniń halyqaralyq uıymynyń (TÚRKSOI) Bas hatshysy, professor, dıplomat ári qoǵam qaıratkeri Dúısen Qaseıinov, Qabıbolla Sydıyqovtyń zaıyby Gúlshat Sydıyqova, oblystyq máslıhat depýtattary men zııaly qaýym ókilderi qatysty.




​Kitaphanada 500 myń kitap qory bar. Bul oblystaǵy 66 kitaphananyń ádistemelik ortalyǵy bolady. Ǵımarat ishinde Tuńǵysh Prezıdent zaly, zaǵıp jandarǵa arnalǵan arnaıy zal, ınternet zaly, shetel ádebıeti zaly, balalar men jasóspirimder zaly, kovorkıng ortalyǵy syndy 12 zal men 5 oqý bólimi jumys isteıdi. Kitaphana qory jyl saıyn tolyǵyp otyrady.




Sharada sóz alǵan óńir basshysy Nurlan Noǵaev oqyrmandardy rýhanııat oshaǵynyń ashylýymen quttyqtap, kitaphana ujymynyń jumysyna tabys tiledi.

«Kitap bar jerde rýhanı ómir bar. Biz kóshpeli halyq bolsaq ta kezinde aýyz ádebıetimen qatar jazba ádebıeti de bolǵan. Orhon enıseı jazbalarymen Otyrar kitaphanasyn babalarymyz bizge mura etip qaldyrǵan. Kitap - adamnyń rýhanı qazynasy. Ol solaı bolyp qala beredi. Adam tánin ǵana emes janyn da baıytýǵa umtylady. Kózqarasyn, túsinigin, oı-órisin keńeıtýge osy 500 myńnan astam kitappen arnaıy kabınetterdiń yqpaly zor bolady dep oılaımyn»,- dedi oblys ákimi.

















Joǵary qaraı