Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysyna jyl basynan beri 140 myńǵa jýyq týrıst kelgen

2021 jyldyń 16 qyrkúıek 2021 21:36

AQTAÝ. QazAqparat - Mańǵystaý oblysyna jyl basynan beri 140 myńǵa jýyq týrıst kelgen, dep habarlaıdy QazAqparat tilshisi oblystyq qoǵamdyq kommýnıkatsııa ortalyǵyna silteme jasap.

«2021 jyldyń 1 jartyjyldyǵynyń qorytyndysy boıynsha Mańǵystaý oblysyna kelgen týrıst sany 139 myń adamdy qurap otyr, bul 2020 jyldyń qorytyndysymen salystyrǵanda 3,1 ese kóp. Ornalastyrý oryndarymen 3,1 mlrd. teńgege qyzmet kórsetildi», - dedi Mańǵystaý oblysy ákiminiń orynbasary Bekbol Orynbasarov.

Bıyl Mańǵystaý oblysyna keletin týrıster sany 200 myńǵa jetetindigi boljanyp otyr. Óńirdegi týrızm salasyn damytý maqsatynda bıyl 190 mlrd teńgeden astam qarajat bólinip, 5 joba iske asyrylýda. Olardyń qatarynda: golf-klýb, taqyryptyq oıyn-saýyq parki, vıllalar men apartamentter keshenin salý jáne «Resort» kýrorttyq-qonaq úı kesheniniń qurylystary bar.
«Bul keshender aldaǵy ýaqytta oblystaǵy týrızm salasynyń damýyna jáne josparlanǵan nátıjelerge qol jetkizýge oń yqpal etedi. 2025 jyly josparǵa sáıkes oblys qonaqtary men týrıster sany 750 myńǵa jetedi dep kútilýde. Bul kórsetkish 2020 jylǵa qaraǵanda 4,6 ese kóp. Óńirde týrızm salasy boıynsha 2021-2025 jyldar kezeńinde jalpy somasy 300 mlrd. teńgeden astam qarajat jáne 13 jobany iske asyrý josparlanǵan»,- dedi oblys ákiminiń orynbasary.


Avtor Qarakóz Marat
Basty sózder: Týrızm, Mańǵystaý oblysy,
Joǵary qaraı