Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mańǵystaý oblysyna 5 reanımobıl satyp alynady

2022 jyldyń 25 qańtar 2022 10:40

NUR-SULTAN. QazAqparat – Bıyl Mańǵystaý oblysyna 5 reanımobıl satyp alynady. Bul týraly búgin Úkimet otyrysynda atalǵan óńirdi damytýdyń ózektendirilgen keshendi jospary týraly baıandaǵan oblys ákimi Nurlan Noǵaev aıtty, dep habarlaıdy QazAqparat tilshisi.

«Mańyzdy baǵyt – óńirdiń áleýmettik quramdas bóligi. Bul baǵyt aıasynda jospar qajetti kadrlardy daıarlaý, qaıta daıarlaý jáne olardyń tapshylyǵyn sheshý, densaýlyq saqtaý, mádenıet jáne sport ınfraqurylymyn damytý máseleleri qarastyryldy»,- dedi ol.

Oblys basshysynyń aıtýynsha, densaýlyq salasynda 2022 jyly lızıng arqyly 5 reanımobıl satyp alynady jáne 2023-2024 jyldary 5 uıym zamanaýı medıtsınalyq jabdyqtarmen qamtylatyn bolady.

«Qarjylandyrýǵa keletin bolsaq, Keshendi jospardyń jalpy bıýdjeti 2,1 trln teńge, onyń ishinde 62 paıyzy jeke ınvestıtsııa úlesine keledi. Bul rette bıýdjettik qarajattyń kólemi 493 mlrd teńgeni quraıdy. Onyń ishinde respýblıkalyq bıýdjet – 375 mlrd teńge, jergilikti bıýdjet – 118 mlrd teńge», - dedi Nurlan Noǵaev.


Joǵary qaraı