Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysyna 2022 jyly 16 avtobýs keledi

2021 jyldyń 24 qyrkúıek 2021 23:30

AQTAÝ. QazAqparat - Mańǵystaý oblysyna 2022 jyly 16 avtobýs keledi, dep habarlaıdy QazAqparat tilshisi.

Bul týraly Qoǵamdyq kommýnıkatsııa ortalyǵynda ótken brıfıngide Mańǵystaý oblysy jolaýshylar kóligi jáne avtomobıl joldary basqarmasynyń basshysy Adaıbek Qalıev málim etti. Onyń aıtýynsha, ótken jyly Aqtaý qalasyna «Yutong» markaly 18 dana otandyq avtobýs keldi. Qazirgi ýaqytta qalalyq №3 jáne №7 marshrýttarda qyzmet kórsetýde.

«Aqtaý qalalyq avtobýs parkterin jańartý jobasy» aıasynda DAEWOO BC211 markaly 16 dana jańa avtobýs satyp alýǵa ótinish berildi. Eger joba júzege asqan jaǵdaıda avtobýs parkiniń jańarý deńgeıi 90 %-ǵa jetetin bolady. Qazirgi ýaqytta Mańǵystaý oblysynyń ekonomıka jáne bıýdjettik josparlaý basqarmasymen salalyq qorytyndy berildi. ıAǵnı jobany qarjylandyrýǵa oblystyq maslıhat sessııasynyń jergilikti bıýdjet esebinen 166 400 myń teńge bólindi. Sondaı-aq Munaıly aýdany «Aqtaý-Basqudyq-Mańǵystaý» №105 marshrýtyna jeke kásipker R.Ahmetnabıev óz qarajaty esebinen avtobýs parkin jańartý maqsatynda DAEWOO BC211 markaly otandyq 10 avtobýs satyp alýdy josparlaýda»-dedi Aıdaıbek Qalıev.

Mańǵystaý oblysynyń jolaýshylar kóligi jáne avtomobıl joldary basqarmasynyń basshysy Adaıbek Qalıev óńirdegi jol ınfraqurylym máselesine toqtaldy. Aqtaý – Fort-Shevchenko jáne Honda ortalyǵynan Ómirzaq aýylyna deıingi 28,4 shaqyrymdy qamtıtyn joldy rekonstrýktsııalaý boıynsha 2 jańa jobanyń jumysy júrgizilgen. Qazirgi ýaqytta asfalt tóseý jumysy aıaqtalyp, jaryq shamdaryn ornatý júrgizilýde.

«Aýyl – el besigi» jobasy boıynsha, jalpy somasy 2 mlrd 948 mln teńge bolatyn 89,4 shaqyrym jol qurylysy men ortasha jóndeý jumystary júrgizilýde. Bul S.Shapaǵatov, Jetibaı Aqjigit, Quryq, Bostan, Shetpe, Jyńǵyldy, Basqudyq, Baıandy jáne Ómirzaq aýylynda júzege asyrylyp jatyr. Óńirde jergilikti mańyzdaǵy joldardyń úlesi 94% quraıdy. Aldaǵy ýaqytta bul kórsetishti 95% jetkizý josparlanýda»,-dedi Adaıbek Qalıev.



Avtor Qarakóz Marat
Basty sózder: Qoǵam, Kólik, Mańǵystaý oblysy,
Joǵary qaraı