Aýa raıy
Astana 1 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Mańǵystaý oblysy Chehııamen yntymaqtastyq ornatpaq

2020 jyldyń 25 qyrkúıek 2020 02:11

AQTAÝ. QazAqparat – Mańǵystaý oblysynyń ákimi Serikbaı Trumov Cheh Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Rýdolf Gıkl myrzany qabyldady, dep habarlaıdy oblys ákiminiń baspasóz qyzmeti.

Baspasóz qyzmetiniń málimetterine qaraǵanda, óńir basshysy R.Gıklǵa iltıpat bildirip, kezdesý ekijaqty belsendi yntymaqtastyqtyń bastaýy bolatynyna senim bildirdi.

«Bizdiń óńir ózara áriptestik boıynsha kez-kelgen dıalogqa ashyq jáne ınvestıtsııalar tartýǵa múddeli. Biz óz tarapymyzdan «Aqtaý teńiz porty AEA» erkin ekonomıkalyq aımaǵynda ınvestıtsııalyq jobalardy ornalastyratyn múmkindik bar ekenin aıtqymyz keledi. Bul másele qyzyqtyratyn kásipkerlerge qoldaý kórsetýge daıynbyz jáne sizderdi ózara tıimdi yntymaqtastyqqa shaqyramyz», - dedi Mańǵystaý oblysynyń ákimi S.Trumov.

Kezdesýde negizinen aýyl sharýashylyǵy, ónerkásip, jasyl tehnologııalar jáne startaptar boıynsha saýda-ekonomıkalyq yntymaqtastyqtyń jaı-kúıi men damý perspektıvalary talqylandy. Sonymen qatar, taraptar Aqtaýdy kólik haby retinde damytý múmkindikteri týraly aıtty.





Búginde Mańǵystaý oblysy Túrkııa, Reseı, Qytaı, Italııa, AQSh, Germanııa jáne t.b. iri sheteldik ınvestorlarmen óz qyzmetin júzege asyrýda. Mańǵystaý oblysy men Cheh Respýblıkasy arasyndaǵy jalpy taýar aınalymy 2020 jylǵy qańtar-shilde aralyǵynda 1640,49 myń AQSh dollaryn qurady. Mańǵystaý oblysynda ekonomıkanyń túrli salasynda cheh kapıtaly salynǵan 4 birlesken kásiporyn bar.

Oblysty damytýdyń basym baǵyttary kólik logıstıkasy, týrızm, agroónerkásiptik keshen jáne energetıka bolyp tabylady. Serikbaı Trumov agroónerkásip kesheni salasynda tabıǵı kún sáýlesiniń uzaqtyǵyn, mal sharýashylyǵyn, balyq sharýashylyǵyn damytýdy eskere otyryp, jylyjaı sharýashylyǵyn damytýǵa bolatynyn atap ótti.

Sonymen qatar, Mańǵystaýdyń klımaty óńirge elektr energııasynyń qosymsha resýrsy úshin kún jáne jel elektr stantsııalaryn salýǵa múmkindik beredi. Sondyqtan balamaly energııa kózderin damytý mańyzdy sektor bolyp tabylady. Bul bolashaqta elektr energııasyn óndirýdiń barlyq dástúrli ádisterin joqqa shyǵaratyn eń perspektıvaly resýrstardyń biri bolmaq.


Joǵary qaraı