Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mánerlep syrǵanaýdan Qazaqstan quramasyna jańa jattyqtyrýshy keldi

2021 jyldyń 28 qazan 2021 16:12

NUR-SULTAN. QazAqparat - Mánerlep syrǵanaýdan Qazaqstan quramasyna jańa jattyqtyrýshy keldi. Ol – Reseıdiń eki dúrkin chempıony, Eýropa chempıonattarynyń júldegeri Sergeı Voronov. Bul týraly «Denis Ten Memorial Challenge 2021» halyqaralyq týrnıriniń ashylýy aldynda belgili boldy, dep habarlaıdy QazAqparat týrnırdiń baspasóz qyzmetine silteme jasap.

«Osy týrnırden qazaqstandyq mánerlep syrǵanaý sportynyń jańa kezeńi bastalady. Sporttyq dodaǵa túrli óńirden balalar keldi. Jetistikter – bolashaqta qandaı da bir jetistikke qol jetkizýi múmkin daryndy sportshylardy anyqtaýdan bastalady. Biz buqaralyq sportty damytý jolynda kóp eńbektenýimiz kerek. Bul tarıhı sát – endi mánerlep syrǵanaýshylarymyzdy myqty sportshylardyń biri, Denıstiń dosy Sergeı Voronov daıyndaıdy. Usynysty qabyldaǵany úshin oǵan shyn júrekten alǵysymdy bildiremin», - dep atap ótti Denis Ten Foundation dırektory, Qazaqstannyń konkımen syrǵanaýshylary ulttyq federatsııasynyń vıtse-prezıdenti Oksana Ten.

«Men úshin Qazaqstanda jumys isteý – úlken abyroı. Bul – úlken jaýapkershilik, osynda bolǵanyma rızamyn», - dep atap ótti S.Voronov.

Jeke mánerlep syrǵanaýda óner kórsetetin Sergeı Voronov – 2014 jylǵy Eýropa chempıonatynyń kúmis júldegeri, 2015 jylǵy Eýropa chempıonatynyń qola júldegeri, 2014/2015 jyldarǵy Gran-prı maýsymy aqtyq saıysynyń qola medal ıesi, 2015 jylǵy komandalyq álem chempıonatynda kúmis júldege ıe bolǵan. Reseıdiń eki dúrkin chempıony (2008, 2009). 2017 jyly NHK Trophy Gran-prı serııasy jarysynyń jeńimpazy atanǵan. 2014 jyly Fınlıandııa Oljasy «Chellendjer» jarys toptamasynyń jáne Nepela memorıalynyń (2016) jeńimpazy. Óz mansabyn bir jyl buryn aıaqtaǵan.

Eske sala ketsek, mánerlep syrǵanaýdan «Denis Ten Memorial Challenge» (ISU) Halyqaralyq týrnıri Nur-Sultan qalasyndaǵy «Barys Arena» sport kesheninde 2021 jyldyń 28-31 qazan kúnderi aralyǵynda ótedi.


Basty sózder: Nur-Sultan, Qoǵam, Sport,
Joǵary qaraı