Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mamyr aıynyń qorytyndysy boıynsha teńge nyǵaıdy

2021 jyldyń 10 maýsym 2021 11:29

NUR-SULTAN. QazAqparat – QR Ulttyq bankiniń tóraǵasy Erbolat Dosaev valıýta naryǵyndaǵy jaǵdaıdy baıandady, dep habarlaıdy QazAqparat tilshisi.

«Bıylǵy mamyrda munaı baǵasynyń qalypty ósýi jáne salyqtyq tólemder kezeńi aıasynda teńge baǵamy bir AQSh dollary úshin 428,71 teńgege deıin 0,1%-ke nyǵaıdy. Geosaıası jaǵdaıdyń jaqsarýy jáne ortalyq banktiń negizgi stavkasynyń ósýinen keıin Federaldyq qaryz oblıgatsııalary kiristiliginiń naqty stavkasynyń ósýi aıasynda Reseı rýbliniń bir AQSh dollary úshin 73,4 rýblge deıin 2,4%-ke nyǵaıǵany baıqaldy», - dedi Erbolat Dosaev Úkimet otyrysynda.

Sonymen qatar, Ulttyq bank tóraǵasynyń aıtýynsha, bıylǵy mamyrda memlekettik baǵaly qaǵazdarǵa, onyń ishinde Ulttyq banktiń nottaryna sheteldik ınvestıtsııalardyń ákelinýi qaıta jandandy, olar bir aıda 99 mlrd teńgege ósti.

«Jergilikti oń faktorlarǵa qaramastan, damyǵan elderdegi aqsha-kredıt talaptarynyń ózgerýi damýshy naryqtar valıýtalarynyń, onyń ishinde teńgeniń dınamıkasyna áser etýdi jalǵastyrýda. Bıylǵy jylǵy 9 maýsymdaǵy jaǵdaı boıynsha teńgeniń bırjalyq baǵamy bir AQSh dollary úshin 426,75 teńge deńgeıinde qalyptasty», - dep atap ótti E. Dosaev.


Joǵary qaraı