Aýa raıy
Astana -28 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

MÁMS júıesi: Elordada medıtsına uıymdaryna 373 mln teńge aıyppul salyndy

2020 jyldyń 24 qarasha 2020 23:23

NUR-SULTAN. QazAqparat – Áleýmettik medıtsınalyq saqtandyrý qorynyń elordalyq fılıalynyń sarapshylary astanada osy jyldyń 10 aıynda medıtsınalyq qyzmetterdiń sapasy men kólemine qatysty 18 304 kemshilikti anyqtaǵan, dep habarlaıdy QazAqparat tilshisi.

Jalpy tegin medıtsınalyq kómektiń kepildik berilgen kólemi (TMKKK) sheńberinde jáne MÁMS paketi boıynsha kórsetilgen qyzmetterdiń sapasyna aı saıyn monıtorıng júrgiziledi. 2020 jylǵy 30 qazanǵa deıin turǵyndarǵa medıtsınalyq kómek kórsetýge qatysty 18 304 (onyń ishinde qazan aıynda 1 114) kemshilik anyqtalyp, medıtsınalyq uıymdarǵa 373 136 000 (onyń ishinde qazan aıynda 52 298 000) somadan asa aıyppul salynǵan.

«Monıtorıng júrgizilgennen keıin ǵana qor is júzinde kórsetilgen jáne qujatpen rastalǵan qyzmetterge aqy tóleıdi. Anyqtalǵan kemshilikterdiń kópshiligi jan basyna shaqqandaǵy normatıvke kirmeıtin, árbir qyzmetke jeke tólenetin konsýltatsııalyq-dıagnostıkalyq qyzmetterge baılanysty. Medıtsınalyq qyzmetterdiń sapasyn monıtorıngteý bóliminiń sarapshylary jalpy quny 19 259 000 (onyń ishinde qazan aıy úshin 3 423 000 ) teńge bolatyn 12 310 (onyń ishinde qazan aıynda 708) kemshilikti anyqtady. Sondaı-aq, ambýlatorııalyq-emhanalyq kómek kórsetý kezinde jiberilgen 1 721 (onyń ishinde qazan aıynda 15) kemshilik, statsıonarlarda medıtsınalyq kómek kórsetý kezinde 4 273 (onyń ishinde qazan aıynda 391) derek belgili boldy», - dep atap ótti «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.

Túrli memlekettik derekqorlardaǵy derekterdi biriktirý jáne IT quraldaryn qoldaný osy derekterdi óńdeý monıtorınginiń sapasyn aıtarlyqtaı arttyrady. Bul adamı faktordy azaıtýǵa múmkindik beredi. Qazir Qor ártúrli aqparat júıeleri men tirkeý júıeleriniń derekterin bir alańda ıntegratsııalaý arqyly aqparat júıelerinde medıtsınalyq qyzmetterdiń sapasy men kólemin tolassyz monıtorıngteý boıynsha jumys júrgizýde.


Avtor Aıan Bekenuly
Basty sózder: Medıtsına, Nur-Sultan,
Joǵary qaraı