Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

MÁMS: Shyǵys Qazaqstanda 245 myńǵa jýyq adam áli saqtandyrylmaǵan

2021 jyldyń 3 tamyz 2021 17:28

ÓSKEMEN. QazAqparat – Shyǵys Qazaqstan oblysynda 245 myńǵa jýyq adam mindetti áleýmettik medıtsınalyq saqtandyrý júıesinde joq, dep habarlaıdy QazAqparat tilshisi.

«Áleýmettik medıtsınalyq saqtandyrý qory» KEAQ ShQO boıynsha fılıaly baspasóz qyzmetiniń málimetinshe, óńir jurtshylyǵyn MÁMS júıesine tartý máselesi boıynsha búgin oblys ákiminiń orynbasary Shákárim Buqtuǵutovtyń tóraǵalyǵymen óńirlik shtabtyń otyrysy ótti. Aımaq boıynsha 244 729 adam áli kúnge deıin saqtandyrylmaǵan. Onyń 78 362-si jaldamaly jumysshy, 14 016-sy jeke kásipker bolsa, 88 153-i biryńǵaı jıyntyq tólemdi ýaqtyly aýdarmaǵan.

«Qazirgi ýaqytta saqtandyrylmaǵan adam sany jaǵynan aldyńǵy orynda Shar qalasy tur. Odan keıin Úrjar, Kókpekti, Besqaraǵaı, Zaısan jáne Jarma aýdandary ornalasqan. Jeńildik alatyndar sanatyna engizilgen oblystyń 736 217 turǵyny úshin jarnalardy memleket tóleýde», - dedi fılıal dırektory Ǵalymjan Ábilov.

Onyń aıtýynsha, qıyndyq týdyryp otyrǵan taǵy bir másele – medıtsınalyq mekemelerge tirkelmegen halyq sanynyń kóptigi. Jaz bastalǵaly ber tek 148 adam tirkeýge turǵan. Osyǵan baılanysty bıylǵy 15 qyrkúıek-15 qarasha aralyǵyndaǵy tirkeý naýqany kezeńinde jergilikti atqarýshy organdarmen aýqymdy jumys atqarylmaq.

«Mindetti medıtsınalyq saqtandyrý - bul densaýlyq saqtaý júıesin damytýdyń tıimdi tetigi. Sonymen qatar bul medıtsınalyq qyzmettiń sapasyn jaqsartyp, halyqtyń qosymsha qyzmetterdi alý múmkindigin arttyratyndyǵy sózsiz», - dedi oblys ákiminiń orynbasary Shákárim Buqtuǵutov.


Joǵary qaraı