Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

MÁMS: Múgedek balalardy reabılıtatsııadan ótkizý qalaı júrip jatyr

2021 jyldyń 21 sáýir 2021 00:42

ALMATY. QazAqparat – Qazaqstanda 94 myńǵa jýyq múgedek bala bar. Onyń 19 myńyna tserebraldy sal aýrýy nemese DTsP dıagnozy qoıylǵan. Bul týraly «Áleýmettik medıtsınalyq saqtandyrý qory» KEAQ Almaty qalalyq fılıaly málim etti, dep habarlaıdy QazAqparat tilshisi.

2020 jyldan bastap reabılıtatsııa men qalpyna keltirýge baǵyttalǵan em-dom sharalary mindetti áleýmettik medıtsınalyq saqtandyrý paketine engizildi. Memleket tarapynan saqtandyrylatyn 15 sanatqa jatatyn balalar medıtsınalyq kómekti tegin paıdalana alady. Máselen, bir ǵana 2020 jyly balalarǵa arnap elimiz boıynsha 58 myń ońaltý sharasy júrgizilgen.

Jańa reformanyń nátıjesinde mamandandyrylǵan medıtsınalyq kómek kórsetýge qulshynys bildirip otyrǵan medıtsına uıymdarynyń sany da birneshe ese artty. Olardyń qatarynda «Múgedek balalardyń ata-analary qaýymdastyǵy» reabılıtatsııa ortalyǵy da bar. Onda sal aýrýymen aýyratyn balalardy úshinshi kezeńdik reabılıtatsııadan ótkizedi.

«Múgedek balalardyń ata-analary qaýymdastyǵy» 1991 jyly jeltoqsan aıynda óz balalaryna kómek qolyn sozýǵa qulshynǵan ata-analardyń bastamasymen qurylǵan. Otyz jylǵa jyq ýaqyttan beri olar múmkindigi shekteýli bala tárbıelep otyrǵan 745 otbasyna qoldaý kórsetipti. 2004 jyly reabılıtatsııa ortalyǵy bolyp qaıta qurylǵan qaýymdastyq búginde sal aýrýyna shaldyqqan balalardy keshendi ońaltýmen aınalysady..

«Bizdiń ortalyq mamandary erekshe balalardy fızıkalyq jaǵynan ońaltyp qana qoımaı, psıhologııalyq-pedagogıkalyq kómek te kórsetedi. Nevrolog, pedıatr, reabılıtolog psıhoterapevt, emdik shynyqtyrý mamany, massajıst, ortoped, psıholog, ergoterapevt, defektolog, logoped, áleýmettik qyzmetkerden turatyn mýltıdıstsıplınarlyq komanda jumys isteıdi. Biz bárimiz múgedek balalar men olardyń ata-analaryna jan-jaqty qoldaý kórsetýge tyrysamyz», - deıdi ortalyqtyń bas dárigeri Aısulý Qojanova.

Sondaı-aq, ortalyqta ergoterapııa bólimshesi, Montessorı kabıneti, sensorlyq bólmeler bar. Kınezıoterapııa jáne mehanoterapııa kabınetteri saýsaqtyń usaq motorıkasyn damytýǵa arnalǵan zamanaýı qondyrǵylarmen jabdyqtalǵan. Eń bastysy - munda árdaıym erekshe balalardy durys damytýǵa qolushyn sozýǵa daıyn turatyn qaıyrymdy jandar jumys isteıdi.

«Ata-ana balasyn alyp kelgen kezde biz 3 túrli nársege mán beremiz. Eń aldymen qımyl-qozǵalysy áli qalypqa túspegen balaǵa kóńil bólemiz. Mamandar birden ony jan-jaqty damytýǵa kirisedi. Ekinshi - balanyń otbasy. Óıtkeni, kemtar bala sol otbasynda ómir súredi, sondyqtan olar da bizdiń komandanyń bir múshesine aınalýy tıis. Mamandar balaǵa úıde de qolaıly atmosfera qalyptastyrýǵa kómektesedi. Úshinshi – qorshaǵan orta. Balanyń ómirine munyń da tıgizetin áseri mol», - deıdi ortalyq qyzmetkerleri.

MÁMS engizilgeli beri ortalyqta 200-den astam bala ońaltyldy

rtalyqqa qoldan kelgenshe kómektesetin qaıyrymdy jandar da az emes. Sonyń arqasynda olar múgedek balalarǵa jan-jaqty kómek kórsetýge múmkindik alyp otyr. Mindetti áleýmettik medıtsınalyq saqtandyrý engizilgeli beri ortalyqtyń múmkindigi eselene túsken. MÁMS engizilgen 2020 jyldan bastap ARDI emhananyń joldamasymen kelgen múgedek balalarǵa ońaltý qyzmetin kórsetý týraly bastama kóterdi. Sońǵy bir jyldan astam ýaqyt ishinde ortalyqta 200-den astam bala reabılıtatsııadan ótti.

Aıta keteıik, mekemede bilim berý ortalyǵy da jumys isteıdi. Onda Qazaqstannyń túpkir-túpkirinen kelgen mamandar sheteldik tálimgerlerdiń trenıngterine qatysyp, erekshe balalarmen jumystyń qyr-syryn úırenedi.


Joǵary qaraı