Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

MÁMS: Bıznes qyzmetkerleri saqtandyrylǵandar tiziminen nelikten shyǵyp qalǵan

2021 jyldyń 12 mamyr 2021 18:30

NUR-SULTAN. QazAqparat - Áleýmettik medıtsınalyq saqtandyrý qorynyń basqarma tóraǵasy Bolat Tókejanov shaǵyn jáne orta bıznes qyzmetkerleriniń medıtsınalyq kómek alý múmkindigi shekteýli ekenin eskertti, dep habarlaıdy QazAqparat tilshisi.


Ortalyq kommýnıkatsııalar ortalǵynda qor basshysy shaǵyn jáne orta bıznes qyzmetkerleriniń tizimin jańartýdyń nelikten mańyzdy ekenin túsindirdi. Onyń sózine qaraǵanda, byltyr pandemııa kezinde Úkimettiń sheshimimen shaǵyn jáne orta bıznes sýbektileri mindetti tólemderdi, onyń ishinde MÁMS jarnasyn tóleýden bosatylǵan bolatyn. Osylaısha júıedegi shaǵyn bıznes qyzmetkerleriniń kóbi tizimnen shyǵyp qalǵan.

«Qazirgi ýaqytta jarnalardy tóleýden bosatylǵan jumys berýshilerdiń shamamen 20% (61 233 ShOB) óz qyzmetkerleriniń tizimin jańartqan joq. Osyǵan baılanysty atalǵan qyzmetkerlerde saqtandyrý mártebesi joq jáne medıtsınalyq kómek alýda múmkindikteri shekteýli. Jumys berýshilerdi óz qyzmetkerleri úshin jaýapkershilik tanytýǵa jáne qordyń aqparattyq júıesine olardyń derekterin engizýge shaqyrǵym keledi. Qor óz tarapynan shaǵyn jáne orta bıznes ókilderimen óńirler ákimdikteri men salyq organdary arqyly naqty jumysty jalǵastyrady», - dep qosty Bolat Tókejanov.

Sondaı-aq ol MÁMS júıesine 1-toqsanda 183 mlrd teńge túskenin habarlady.

«Túsimderdiń eń kóp somasyn memlekettiń jeńildik berý jarnalary qurady. Onyń kólemi 95,4 mlrd teńge nemese barlyq túsimderdiń 52% degen sóz. Osylaısha, memleket burynǵysynsha halyq aldyndaǵy óziniń áleýmettik mindettemelerin oryndap otyr. Óz qyzmetkerleri úshin jumys berýshilerdiń aýdarymdary jalpy somada 44,4 mlrd teńge (24%), qyzmetkerlerdiń ózderi tóleıtin jarna – 35,2 mlrd teńge (19%) boldy. Jeke kásipkerler, azamattyq-quqyqtyq sharttar boıynsha jumys isteıtin derbes tóleýshiler jarnalarynyń úlesi 5% kóleminde», - dedi ÁMSQ tóraǵasy.

Qor basshysy MÁMS júıesine tólenetin tólemderdiń eń az somasy 12 aıda 25 500 teńgeni (aıyna 2125 teńge) quraıtynyn eske salyp ótti, bul saqtandyrylǵan adamǵa quny birneshe mıllıon teńge turatyn qymbat tekserýler, operatsııalar, EKO qosa alǵanda, TMKKK jáne MÁMS eki paketindegi medıtsınalyq kómektiń aýqymdy tizbesine qol jetkizýge múmkindik beretini naqty aıtyldy.


Joǵary qaraı