Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mamonttardyń azý tisterin Qytaıǵa jibermek boldy: Elorda áýejaıyndaǵy qylmys

2021 jyldyń 12 qazan 2021 13:34

NUR-SULTAN. QazAqparat – Nur-Sultan qalasynyń áýejaıynan mamonttardyń azý tisi men múıiztumsyqtardyń múıizin kontrabandalyq jolmen Qytaıǵa asyrmaq bolǵan Reseı azamaty ustaldy. QazAqparat bul týraly QR Qarjy monıtorıngi agenttigine silteme jasap habarlaıdy.

«Qarjy monıtorıngi agenttiginiń elordalyq departamenti Reseı Federatsııasynyń azamatyna qatysty artefaktilerdiń ekonomıkalyq kontrabandasy faktisi boıynsha tergeýdi bastady.

Reseı azamaty Nur-Sultan qalasynyń Halyqaralyq áýejaıy arqyly jalpy salmaǵy 2 myń keliden asatyn mamonttardyń azý tisi men júndi múıiztumsyqtardyń múıizin Qytaı Halyq Respýblıkasyna kontrabandalyq jolmen áketýge tyrysqany anyqtaldy», - delingen aqparatta.

Málim etilgendeı, taýardy jóneltýshi – Máskeý qalasyndaǵy Jaýapkershiligi shekteýli qoǵamdastyq dırektory. Paleontologııalyq materıaldardy Qazaqstan aýmaǵyna ákelý jáne odan ári QHR-ǵa jiberý maqsatynda Nur-Sultan qalasynda JShS tirkelip, dırektory bolyp Reseń azamaty taǵaıyndalǵan.

«Mamandardyń qorytyndysyna sáıkes, mamonttar men júndi múıiztumsyqtardyń qazba qaldyqtarynyń zerttelgen barlyq bólikteri paleontologııalyq aretfaktilerdiń ǵylymı-tarıhı, mádenı qundylyǵy bar ári biregeı. Zerttelgen qazba qaldyqtarynyń barlyq bólikteriniń quny 173 mıllıon teńgeni quraıdy.

Qoldanystaǵy zańnamaǵa sáıkes mádenı qundylyqtardy Qazaqstan Respýblıkasynan tys jerlerge áketýge tyıym salynady.

Osylaısha, ustalǵan azamat asa iri kólemde ekonomıkalyq kontrabanda jasady degen kúdikke ilindi», - delingen vedomstvo habarlamasynja.

2021 jylǵy 1 qazanda kúdikti ustalyp, sot sanktsııasymen qamaýǵa alynǵan.

«Ózge aqparat tergeý múddesinde jarııa etýge jatpaıdy», - dep túıindedi QR Qarjy monıtorıngi agenttiginiń baspasóz qyzmetinen.


Joǵary qaraı