Aýa raıy
Astana 23 °S
Almaty 31 °S
valıýta baǵamy
USD 412.55
EUR 468.66
RUB 5.79
CNY 58.80

Mamandar Naýryzym qoryǵynda qasqyrlardyń tirshiligin GPS arqyly zerttemek

2019 jyldyń 20 qazan 2019 16:56

NUR-SULTAN. QazAqparat – 2019 jyldyń 17 qyrkúıeginen 6 qazanyna deıingi aralyqta «Alty saı» ekosaıabaǵynyń kóshpeli toby Naýyrzym qoryǵynyń qyzmetkerlerimen birge qasqyrlarǵa zertteý júrgizdi. Bul týraly Qazaqstannyń Bıo ártúrlilikti saqtaý qaýymdastyǵy Feısbýkte málimdedi, dep habarlaıdy QazAqparat.

Zertteý toby bir urǵashy qasqyrdy ustap, oǵan jerserik arqyly júrgen jolyn ańdyp otyratyn habarlaǵysh ornatty.

Fotoqaqpandar arqyly ári jaıaý júrip, avtomobılmen júrip qasqyrlardyń tirshiligi, qorektik bazasy zertteledi. Zertteýshiler jıyrma kún boıy qoryqta qasqyrdyń eki tobyn ańdyp, elik, bulan, qabandardy jeıtinin anyqtady.

Mamandardyń aıtýynsha, urǵashy qasqyrǵa ornatylǵan GPS habarlaǵysh durys jumys istep tur ári qasqyrdy ańdyp otyrýǵa kóp kómegi tıip otyr.




Qaýymdastyq dala qasqyrynyń popýlıatsııasyn 2012 jyldan beri turaqty túrde zerttep keledi. Oǵan QR Ekologııa, geologııa jáne tabıǵatty paıdalaný mınıstrliginiń Orman sharýashylyǵy jáne janýarlar dúnıesi komıteti, sheteldik jáne jergilikti donorlar qolǵabys etýde.

Byltyrdan beri zertteýlerge «Qazhrom» kompanııasy qarjylaı kómek berip keledi.

Qasqyr tirshiliginiń zerttelýi týraly tolyǵyraq «Jasyl álem» habarshysynyń kúzgi nómirinen oqýǵa bolady (jasylalem.acbk.kz).




Basty sózder: Ekologııa, Qostanaı oblysy,
Joǵary qaraı