Aýa raıy
Astana -14 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Malaızııa ǵalymynyń zertteýi ál-Farabıdi álemge tanytýǵa úlken úles qosty

2020 jyldyń 25 qarasha 2020 12:57

KÝALA-LÝMPÝR. QazAqparat - Uly ǵalym jáne oıshyl Ábý Nasyr ál-Farabıdiń 1 150 jyldyǵy qarsańynda Kýala-Lýmpýrdaǵy Qazaqstan Elshiligi Qazaq ulttyq ýnıversıteti jáne Malaızııa halyqaralyq ıslam ýnıversıtetimen birlese uıymdastyrǵan beınekonferentsııada malaızııalyq ǵalym Osman Bakardyń «Ál-Farabı: ómiri, oılary jáne mańyzy» atty kitaby boıynsha pikir almasý ótti, dep habarlaıdy QazAqparat QR SІM baspasóz qyzmetine silteme jasap.

Forýmǵa 233 adam, onyń ishinde ǵalymdar men zertteýshiler, Islam mádenıeti fılosofııasy men tarıhy salasynyń mamandary, oqytýshylar, stýdentter men qoǵam qaıratkerleri qatysty.

Sharada Malaızııadaǵy Qazaqstan Elshisi Bolat Imanbaev, ál-Farabı atyndaǵy QazUÝ-dyń birinshi prorektory Muhambetqalı Búrkitbaev jáne Malaızııa halyqaralyq Islam ýnıversıtetiniń prorektory Ahmad Farız Ismaıl is-sharanyń ekijaqty ǵylymı jáne mádenı almasýdy nyǵaıtýdaǵy mańyzdylyǵyn atap ótti.

Baıandamalardy atalǵan keshendi zertteýdiń avtory – Malaızııa halyqaralyq Islam ýnıversıteti janyndaǵy «Ál-Ǵazalı» Islamdyq oı jáne órkenıeti halyqaralyq ınstıtýtynyń professory Osman Bakar, QazUÝ fılosofııa jáne saıasattaný fakýltetiniń dekany Álııa Masalımova jáne «Ýtara Malaızııa» ýnıversıtetiniń professory Hazım Shah Mýrad jasady.




Spıkerler O. Bakardyń kitaby Malaızııada jáne búkil álemde ál-Farabı murasyn zertteýge jáne tanytýǵa úlken úles qosqanyn atap ótti. Atalǵan kitapta Uly dala týmasynyń fılosofııa men ıslamdyq oıdy damytýdaǵy róli, sondaı-aq Shyǵys pen Batys arasyndaǵy rýhanı baılanystardy ilgeriletýge áseri jan-jaqty kórsetilgeni atap ótildi. Sessııa barysynda qatysýshylar ál-Farabıdiń fılosofııalyq ustanymdarynyń qazirgi kezeńdegi kókeıkestigin jáne olardyń álemge yqpalyna qatysty birqatar máseleni talqylady.

Іs-shara qorytyndysy boıynsha qatysýshylar Qazaqstan men Malaızııa ýnıversıtetteri arasynda yntymaqtastyqty keńeıtýge jáne uly ǵalymnyń murasyn zertteý men nasıhattaýda kúsh biriktirýge kelisti.


Joǵary qaraı