Aýa raıy
Astana 9 °S
Almaty 15 °S
valıýta baǵamy
USD 412.55
EUR 468.66
RUB 5.79
CNY 58.80

Maqtaaraldyń sý basqan eldimekenderinde ınfraqurylym júıeleri qaıta qalpyna keltirilýde

2020 jyldyń 16 shilde 2020 03:44

MAQTAARAL. QazAqparat – Maqtaaral aýdanynyń sý basqan eldimekenderinde ınfraqurylym júıeleri qaıta qalpyna keltirilýde. Myrzakent kentindegi jańa móltek aýdanda aýyz sý, káriz, elektr, gaz, baılanys, aǵyn sý jelileri salynyp, abattandyrylýda, dep habarlaıdy QazAqparat tilshisi.

Aýdan ákimdiginiń málimetinshe, Fırdaýsı, Órgebas, Jańaturmys jáne Jeńis aýyldarynda aýyz sý júıeleri qaıta qalpyna keltirilýde. Búgin oblys ákiminiń orynbasary Meıirjan Myrzalıev pen aýdan ákimi Baqyt Asanov Myrzakenttegi ınfraqurylym júıeleriniń qurylys jumystaryn baqylap, oryn alǵan keıbir kemshilikter boıynsha merdiger mekemelerge eskertýler jasady. 70 gektar aýmaqty alyp jatqan aımaqta 8 merdiger mekeme ınjenerlik ınfraqurylym jumystaryn júrgizýde. Munan soń bılik ókilderi Fırdaýsı jáne Órgebas aýyldarynda boldy. Fırdaýsıde aýyz sý jelileri jańartylyp, uńǵyma qazylýda. Sonymen qatar sý munarasy turǵyzylýda. Al, Jeńis, Jańa-turmys jáne Órgebas aýyldaryndaǵy aýyz sý júıelerine aǵymdaǵy jóndeý jumystary jasalýda. Atap aıtqanda, sý eseptegish quraldary tolyǵymen aýystyrylyp, sanıtarlyq qorǵaý aımaqtary jáne sý eseptegishke arnalǵan qorǵanys jáshikteri qaıta qalpyna keltirilgen. Sondaı-aq, sý qubyrlaryna dezınfektsııalaý jumystary da júrgizilip jatyr.

Aıta keteıik, Maqtaaral aýdanyndaǵy sý basqan aýyldarda 40,1 shaqyrymdy quraıtyn 27 ishki kóshege asfalt tóseý jumystary da josparlanyp otyr.









































Joǵary qaraı

Warning: file_put_contents(): Only 0 of 15740 bytes written, possibly out of free disk space in /home/admin/web/lenta.inform.kz/public_html/system/classes/Kohana/Core.php on line 920

Warning: file_put_contents(): Only 0 of 5633 bytes written, possibly out of free disk space in /home/admin/web/lenta.inform.kz/public_html/system/classes/Kohana/Core.php on line 920