Aýa raıy
Astana 9 °S
Almaty 19 °S
valıýta baǵamy
USD 421.58
EUR 496.83
RUB 5.53
CNY 62.20

Maqtaaraldyqtarǵa tótenshe jaǵdaı kezindegi mal shyǵyny tólendi

2020 jyldyń 5 tamyz 2020 15:31

MAQTAARAL. QazAqparat - Túrkistan oblysy, Maqtaaral aýdanynda oryn alǵan tótenshe jaǵdaı kezindegi mal shyǵyny tolyǵymen tólendi. Topan sý basqanda jalpy aýdandaǵy 22 otbasy 144 bas malynan aıyrylǵan bolatyn, dep habarlaıdy QazAqparat tilshisi.

Búginde «Túrkistan» korporatıvtik áleýmettik qory arqyly túıege 300 myń teńgeden 1,5 mln teńgege deıin, jylqyǵa 160 myńnan 380 myń teńgege deıin berildi. Al, sıyrǵa 110 myńnan 220 myń teńge, usaq malǵa 25 myńnan 45 myń teńge aralyǵynda jáne úı qusynyń árbirine 2000 teńgege deıin ótemaqy tólendi.

Aıta keteıik, jalpy tasqyn sýdan zardap shekken aýyldardy qoqystan tazartý kezinde 930-dan astam mal ólekseleri shyǵarylǵan bolatyn. Onyń ishinde 40-y iri qara, 876-sy usaq mal, 9-y jylqy jáne 6-y túıe edi. Anyqtaý jumystary barysynda tórt túliktiń basym bóligi Ózbekstan Respýblıkasynan topan sýmen aǵyp kelgeni belgili bolǵan. Oblystyq aýyl sharýashylyǵy basqarmasy men Maqtaaral aýdandyq aýmaqtyq ınspektsııasy jáne aýdandyq «Veterınarııalyq qyzmeti» KMM-niń ókilderinen arnaıy komıssııa qurylyp, joǵalǵan úı janýarlaryn túgendeý jáne mal ólekselerin joıý jumystary júrgizildi. Búginde tótenshe jaǵdaıdan zardap shekken eldi mekender tolyǵymen dezınfektsııalandy.


Avtor Aınur Aqbaeva
Basty sózder: Túrkistan oblysy, Qoǵam, Oqıǵa, Qarjy,
Joǵary qaraı