Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Maqtaaralda ınfraqurylym júıeleri qalpyna keltirildi

2020 jyldyń 7 tamyz 2020 05:16

MAQTAARAL. QazAqparat – Túrkistan oblysy, Maqtaaral aýdanyndaǵy tasqyn sýdan zardap shekken eldimekenderde gaz júıeleriniń montajdaý jumystary aıaqtalýǵa jaqyn. Oblystyq energetıka jáne turǵyn úı –kommýnaldyq sharýashylyq basqarmasynyń mamandary tótenshe jaǵdaı oryn alǵan aımaqta eki negizgi baǵyt boıynsha jumys isteýde, dep habarlaıdy QazAqparat tilshisi.

Oblys ákimdiginiń málimetinshe, shaǵyn aýdanda aýyz sý, káriz, elektr, gaz, baılanys, aǵyn sý jelilerin qurý jáne abattandyrý jumystary qarqyndy júrgizilýde. Jańadan salynyp jatqan yqsham aýdanǵa ınjenerlik ınfraqurylym tartylyp, Fırdaýsı, Órgebas, Jeńis jáne Jańaturmys eldi mekenderinde aýyz sý júıeleri qalpyna keltirilip jatyr. Halyqty sapaly aýyz sýmen qamtý maqsatynda 8 shaqyrymǵa jýyq sý júıeleri ótkizilgen. 24,4 shaqyrym elektr jelisi tartylyp, 156 jaryq sham ornatylǵan. Elektr júıelerin ótkizý jumystary 95% júzege asqan. Sondaı-aq, negizgi tas joldar men kóshe joldarynda asfalt tóseý jumystary júrip jatyr. Atalǵan jumystardy udaıy baqylap otyrǵan aımaq basshysy Ómirzaq Shókeev qurylys barysynyń sapaly da barlyq talaptarǵa saı júrgizilýin júktedi. Jańa aýdanda jaryqtandyrýǵa kúsh salýdy tapsyrdy.


Avtor Aınur Aqbaeva
Basty sózder: Túrkistan oblysy, Qoǵam,
Joǵary qaraı