Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Maqtaaralda boıjetken aqshańdy kóbeıtip beremin dep aldap, 8 mln teńgeni qaltaǵa basqan

2021 jyldyń 25 qazan 2021 10:05

MAQTAARAL. QazAqparat - Túrkistan oblysynda qumar oıyn arqyly aqshańdy kóbeıtip beremin dep aldap, elge 8 000 000 shyǵyn keltirgen jas qyz anyqtaldy, dep habarlaıdy QazAqparat.

Maqtaaral aýdandyq polıtsııasyna Shardara aýdanynyń turǵynynan aryz kelip túsken.

Jábirlenýshi áıeldiń aıtýynsha «Vatsap» áleýmettik jelisi arqyly belgisiz azamatsha aqsha berseń, qumar oıyny arqyly kóbeıtip beremin dep aldaǵanyn kórsetken.

ıAǵnı kúdikti salǵan aqshań eselep qaıtarylatyn bolady dep sendirip, 1 000 000 teńgeden astam aqsha alǵan.

Alaıda aradan birshama ýaqyt ótkende telefonyn kótermeı, baılanysqa shyqpaı qoıǵan.

Sodan alaıaqqa aldanǵanyn túsingen turǵyn, birden polıtseılerdiń kómegine júgindi. Atalǵan derek QK 190-baby, ıaǵnı «Alaıaqtyq» qylmystyq quqyq buzýshylyǵy boıynsha tirkeldi.

Turǵyndy aldap, aqshasyn qaltasyna basqan alaıaqty ustaý úshin tájirıbeli tártip saqshylarynan jedel-tergeý toby quryldy.

Jábirlenýshiniń aqsha salyp jibergen bank qosymshasy arqyly kúdiktiniń jeke-basy anyqtaldy. Polıtsııa qyzmetkerleri osy qylmystyń ashylyp, kúdiktiniń ustalýy boıynsha júıeli jumystardy júrgizdi.

Tártip saqshylarynyń jedel áreketi nátıjesinde, alaıaq áıeldiń jergilikti turǵyn ekeni belgili boldy.

Polıtseıler kúdiktiniń jeke basyn anyqtap, birden PB-ǵa jetkizdi. Qazirgi tańda atalǵan jaıt boıynsha tergeý amaldary júrgizilýde.

Belgili bolǵandaı kúdikti jas qyz osyndaı syltaýmen taǵy 19 turǵynan 50 000-800 000 teńge aralyǵynda aqsha alyp otyrǵan. Osylaısha jalpy 8 000 000 teńgege jýyq shyǵyn keltirgen.

Túrkistan oblysynyń polıtseıleri oblys turǵyndaryna tanys emes azamattarǵa senbeýdi, alaıaqtyń arbaýyna túsip qalmaýdy eskertedi.

Sondaı-aq jeke málimetterdi, ne bolmasa aqshany áleýmettik jeli arqyly eshkimge jibermeýge keńes beredi.


Joǵary qaraı