Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Maqtaaral aýdanynda karantın kúsheıtildi

2021 jyldyń 18 qańtar 2021 12:28

NUR-SULTAN. QazAqparat - Sońǵy birneshe táýlik ishinde Maqtaaral aýdany aýmaǵynda pnevmonııanyń vırýsty túri men COVID-19 belgileri bar azamattardyń sany artqan. Osyǵan baılanysty aýdan ákimi B.Asanovtyń tapsyrmasyna sáıkes tıisti sharalar qabyldandy, dep habarlaıdy aýdandyq ákimdiktiń baspasóz qyzmeti.

Aýdannyń bas sanıtar dárigeriniń qaýlysy negizinde aýdan kóleminde 14-28 qańtar aralyǵynda epıdemıologııalyq jaǵdaı turaqtalǵanǵa deıin qatańdatylǵan karantın jáne shekteý sharalary engizildi.

Qaýlyda kórsetilgen talaptar qatań saqtalýy talap etiledi. Jáne koronavırýstyq ınfektsııa men pnevmonııanyń vırýstyq túri anyqtalǵan azamattar, úılerinde oqshaýlanǵan otbasylar 14 kúndik karantın rejımin buzýǵa jol bermeýi qajet. Bul jóninde aýdan quramynda quqyq qorǵaý organ qyzmetkerleri men ákimdik ókilderinen turatyn jedel mobıldi top ókilderi túsindirý jumystaryn atqarady. Karantın tártibin buzǵan jaǵdaıda ákimshilik shara qarastyrylyp, bekitilgen kólemde aıyppul salynady.









Joǵary qaraı