Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mahambet Dosmuhambetov: Saraıshyqqa jylyna 700 myń týrıst tartamyz

2021 jyldyń 28 qazan 2021 14:05

ATYRAÝ. QazAqparat — Ejelgi Saraıshyq qalasynyń aýmaǵynda zamanaýı týrızm ınfraqurylymyn damytý jobasy jyl saıyn Atyraýǵa 700 myń týrıstiń kelýine jol ashady, dep habarlaıdy QazAqparat tilshisi.

Bul týraly Atyraý oblysynyń ákimi Mahambet Dosmuhambetov «Ulyq ulys — Altyn Orda» atty halyqaralyq konferentsııada aıtty.

«Atyraý oblysynyń áleýmettik-ekonomıkalyq damý máseleleri jónindegi keńeste Memleket basshysy Qasym-Jomart Kemeluly Saraıshyqtyń mańyzy men tanymaldyǵyn arttyrý úshin zamanaýı týrızm ınfraqurylymyn salýdy tapsyrǵan. San salanyń mamandaryn jumyldyrý arqyly «Saraıshyq qalashyǵynyń» jobasy jasaldy. Jospar boıynsha keshen aýmaǵynda 20 shaqty nysan boı kóteredi. Sonyń ishinde «Jaıyqtan óter jyljymaly júzbeli kópirdi» erekshe atap ótýimiz kerek», — degen aımaq basshysy aspaly kópirmen Ibn Battýtanyń Jaıyqtan júzip ótkeni týraly tarıhı derekter bar ekenin eske saldy.

Aıtýynsha, Ibn Battýtanyń esteliginde Saraıshyq aýmaǵynda «Orda bazardyń» da bolǵany ańyz bolyp aıtylady.

Sondyqtan bul kıeli mekendi saýda ortalyǵy retinde damytý asa mańyzdy.

«Búginde Saraıshyq mýzeı qoryǵynyń qorynda 4600 jádiger saqtaýly. Onyń 400-deıi ǵana kóriniske shyǵarylǵan. Osy jaǵdaı jańa «Altyn Orda» murajaıyn salýǵa negiz bolyp otyr. Saraıshyq zamanynda qolónershiler oshaǵy bolǵan. Al qazirgi tańda óńirimizde 200-ge jýyq qolónershi bar. Bul dástúrdi de qaıta jańǵyrtýymyz kerek», — dedi oblys ákimi.

Sondaı-aq, ol álemge áıgili bolǵan Saraıshyq baǵyn eske salatyn saıabaq ashylatynyn atady.

«Keshen ishinde jylqy, túıemen seıil qurý jáne Jaıyq ózeninde altyn qaıyqpen serýendeý kópshiliktiń qyzyǵýshylyǵyn oıatatyn joba bolmaq. Sondaı-aq, bul jerde halqymyzdyń etnomádenıetine negizdegen ulttyq oıyndar jáne mádenı-buqaralyq sharalar ótkiziledi. Bul jobalarǵa shaǵyn jáne orta bıznes ókilderin tartý josparda bar. Qazirgi tańda Saraıshyq memorıaldy keshenine kelýshilerdiń sany 20 myńǵa jýyq. Joba iske qosylǵan jaǵdaıda týrıster sany 700 myńǵa deıin artady degen boljam bar. Sondaı-aq, júzdegen jumys orny ashylady», — dedi Mahambet Dosmuhambetov.


Joǵary qaraı