Aýa raıy
Astana -2 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Maǵjannyń «Pedagogıkasy» túrik tilinde jaryq kórdi

2020 jyldyń 21 qyrkúıek 2020 23:28

NUR-SULTAN. QazAqparat - Ystanbul ýnıversıteti Túrik tili jáne ádebıeti kafedrasynyń oqytýshysy Dotsent Ýǵýr Gúrsý Maǵjan Jumaevtyń «Pedagogıka» kitabyn túrikshe jarııalady, dep habarlaıdy Qazaqstannyń Túrkııadaǵy elshiligi.

Stýdent kezinde qazaq tiline qyzyǵýshylyǵy bastalǵan Ý. Gúrsý doktorantýrada oqyp júrgen kezinde «Túrikshe jáne qazaqsha maqal-mátelderdiń salystyrmaly analızi» atty dıssertatsııasyn qorǵaıdy.

Qazaq ádebıetiniń kórnekti ókili Maǵjan Jumabaevtyń «Pedagogıka» týyndysynyń túrikshege aýdarylmaǵanyn baıqap, aýdarma jumystaryna kirisedi. Osylaısha tolaǵaı eńbektiń jemisi, Maǵjan Jumabaevtyń «Pedagogıka» atty oqý quraly jýyrda túrik oqyrmandaryna usynyldy.

Oqý quraly pedagogıkanyń jalpy máselelerine arnalǵan. Sondaı-aq, kitapta psıhologııa jáne logıka salalary týraly da aqparat berilgen. Sonymen qatar týyndyda pedagogıka ilimi qazaq mádenıeti men dástúrlerine sáıkes jazylǵan.

Basty sózder: Túrki elderi, Ǵylym, Ádebıet, Bilim,
Joǵary qaraı