Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Magıstranttar men doktoranttardyń 9% ǵana ómirin ǵylymǵa arnaýda – Senat spıkeri

2021 jyldyń 24 qarasha 2021 13:23

NUR-SULTAN. QazAqparat –Magıstratýra men doktorantýrada bilimin jalǵastyrǵan jastardyń 9 paıyzy ǵana oqýdan keıin ǵylymı qyzmetpen aınalysady. «Táýelsizdik urpaqtary» atty respýblıkalyq jastar forýmynda sóz sóılegen QR Palamenti Senatynyń Tóraǵasy Máýlen Áshimbaev osyndaı statıstıka keltirdi, dep habarlaıdy QazAqparat tilshisi.

«Ekinshiden, tutynýshylyq ıdeologııasynan bas tartý qajet. Pandemııaǵa deıin tutyný mádenıeti buryn-sońdy bolmaǵan deńgeıge jetti. Tipti tutyný ómirdegi eń basty maqsatqa aınaldy desek te artyq bola qoımas. Jastar arasynda da osyndaı úrdis qalyptasqany jasyryn emes. Tolassyz tutyný toqyraýǵa, qundylyqtardyń quldyraýyna ákelip soǵady. Sondyqtan durys qundylyqtardy qalyptastyrýymyz óte mańyzdy. Ol úshin janashyrlyq, jaýapkershilik, sabyr, meıirim sııaqty adamgershilik qasıetterdi keńinen dáriptegen jón. Bul rette rýhanı kemeldikke, Abaı atamyz aıtqan Tolyq adam bolýǵa umtylýdyń mańyzy zor», - dedi Senat tóraǵasy.

Spıker jastardy «Birinshi baılyq – densaýlyq» degen ustanymǵa berik bolýǵa shaqyrdy.

«Koronavırýs indeti kezinde densaýlyqtyń qadirin jete túsindik. Sondyqtan salamatty ómir saltyn ustaný asa mańyzdy. Jastardyń gadjetterge úńile bermeı, sportpen shuǵyldanýǵa basymdyq berýi de óte ózekti. Sportpen shuǵyldaný, durys tamaqtaný, taza aýada jıi bolý, demalys jáne rejımin saqtaý – densaýlyqtyń negizgi faktorlary. Sonymen qatar, bul qaǵıdalar qazirgi tańda jetistikke jetýdiń mańyzdy sharty. Jalpy densaýlyqty saqtaý, salamatty ómir saltyn ustaný – adamnyń óz bolashaǵyna salǵan eń basty ınvestıtsııasy», - degen Máýlen Áshimbaev, keleshekte bilim men ǵylymnyń, tehnologııalardyń róli qazirgiden de artatynyn eskertti.

«Pandemııa jaǵdaıy ǵylymnyń qanshalyqty mańyzdy ekenin dáleldedi. Buryn-sońdy bolmaǵan jyldamdyqpen vaktsınalar oılap tabyldy. Bul óz kezeginde indetti salystyrmaly túrde jedel eńserýge múmkindik berdi. Jalpy alǵanda, kúndlelikti ómirimizde ǵylymnyń róli artyp keledi. Keıingi bes jylda elimizde magıstratýra men doktorantýrada bilimin jalǵastyrǵysy keletin jastar sany ósip otyr.

Alaıda olardyń 9 paıyzy ǵana oqýdan keıin ǵylymı qyzmetpen aınalysady. Memleket ǵylymdy jáne jas ǵalymdardy júıeli túrde qarjylandyryp, qoldaý kórsetip keledi», - dep túıindedi ol.


Avtor Esimjan Naqtybaı
Basty sózder: Senat,
Joǵary qaraı