Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mádenıet salasy qyzmetkerleri arasynda «Rýhanı qazyna – 2021» festıvali bastaldy

2021 jyldyń 12 mamyr 2021 23:25

NUR-SULTAN. QazAqparat – Elordada mádenıet, óner salasynyń uıymdary men qyzmetkerleri arasyndaǵy IV respýblıkalyq «Rýhanı qazyna – 2021» festıvali bastaldy, dep habarlaıdy QazAqparat tilshisi.

Mádenıet jáne óner salasy qyzmetkerleriniń kásibı merekesine oraı uıymdastyrylǵan festıvaldiń respýblıkalyq deńgeıdegi qazylar alqasynyń otyrysy 12-14 mamyr aralyǵynda onlın kórsetilim arqyly júredi.

Festıvaldiń saltanatty marapattaý rásimi 18-21 mamyr aralyǵyna josparlanyp otyr. Osy aralyqta Kókshetaý qalasynda sheteldik sarapshylardyń qatysýymen sheberlik saǵattary ótedi.

Festıvaldiń ashylý saltanatyna Mədenıet jəne sport mınıstrliginiń atynan qatysqan mədenıet jəne óner isteri departamentiniń dırektory Kúmis Seıitova jyl ótken saıyn jumysyn respýblıka deńgeıinde kórsetkisi keletin uıym men qyzmetkerler sany artyp kele jatqanyn atap ótti.

«Búginde baıqaýǵa elimizdiń 15 óńirinen kitaphana, mýzeı jáne mádenı-demalys qyzmeti boıynsha 300-den astam ótinish kelip tústi. Al eń alǵash uıymdastyrǵan kezde qatysýshylar sany 100-ge jetpeıtin edi. Jyl ótken saıyn aýyl, aýdan, qaladaǵy mədenıet oshaqtarynyń qyzmetin jandandyrýǵa baǵyttalǵan baıqaý keńinen tanylyp keledi. Osy festıvalde úzdik shyqqan uıym 1 mln teńge, top jarǵan qyzmetker 500 myń teńge syıaqy alady. Bıyl festıvaldiń mamyr aıynda ótkizilýiniń ózindik sebebi bar. Úzdikterdi marapattaý rásimi bastalatyn 18 mamyr – halyqaralyq mýzeı kúnine, 21 – mamyr elimizdiń mədenıet jáne óner salasy qyzmetkerleriniń kúnine oraılastyryldy», - dedi Kúmis Seıitova.

Respýblıkalyq «Rýhanı qazyna – 2021» baıqaýynyń aıasynda oblystyq, aýdandyq, qalalyq deńgeıdegi úzdik memlekettik mýzeı, úzdik kitaphana, úzdik memlekettik mádenı oıyn-saýyq uıymy men mádenıet uıymdarynyń úzdik qyzmetkerleri iriktelip, marapattalady.


Joǵary qaraı