Aýa raıy
Astana -25 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Mádenı jobalar memleketpen seriktestikte damýy kerek – Rýhanı jańǵyrý

2020 jyldyń 25 qarasha 2020 15:36

NUR-SULTAN. QazAqparat – IX Azamattyq forýmda belgili aqyn, akselerator sarapshysy Maqpal Jumabaı mádenıet jáne óner jobalaryn júıeli damytý máselelerin aıtty, dep habarlaıdy QazAqparat tilshisi.

Buǵan deıin «Rýhanı jańǵyrý» QQDI» KEAQ Basqarma tóraǵasy Danııar Esın «Ózgeris sárýarlary» áleýmettik jobalary iske asyryla bastaǵanyn aıtyp berdi.

«Jalpy «Rýhanı jańǵyrý» baǵdarlamasy degende eń aldymen kóz aldymyzǵa mádenıet salasyndaǵy jobalar keledi. Biraq osy akselerator óziniń jan-jaqtylyǵymen, «Rýhanı jańǵyrý» ıdeıasynyń prıntsıpterin keńeıtýimen qoǵamǵa erekshe kózqaras ákeldi dep oılaımyn. Bul akseleratsııa 6 baǵyt boıynsha júrdi, alty baǵyt ta qoǵamda ózekti bolyp sanalady. Sonyń ishinde maǵan mádenıetke qatysty jobalardy baqylap-qadaǵalap, sarapshylyq oılarymdy ortaǵa salýǵa múmkindik berdi. Mádenıet jáne óner salasy boıynsha besten asa joba masshtabtaýǵa daıyn tur», - dedi Maqpal Jumabaı.

Onyń ishinde qazaq dızaınerleriniń jańasha kózqarasyn álemge tanytatyn ASPARA FASHION WEEK, tarıhı-rekonstrýktsııalyq «Temir túmen» klýby, «Qazaqtardyń materıaldyq emes mádenı murasy», «Nomad» jobalary bar.

«Ári qaraı qazaq mádenıetin qaı turǵyda, qalaı damytýǵa bolady degen suraqtarǵa aldaǵy 5-10 jylǵa ózimiz úshin mejeler qoıdyq. Osynyń barlyǵy azamattyq qoǵam men memlekettiń birlesýi arqyly júzege asqany qýantady. Óıtkeni, osy turǵyda memlekettiń pozıtsııasyn anyq kórdik. Buryn kórermen retinde, synshy retinde barlyǵyna synı kózben qarap júrsek, munda belgili bir deńgeıde zań jasaýshy, zańǵa ózgeris engizýshi, qurylymdardy ózgertýshi rólinde kóre aldyq. Osy akseleratsııadan ótken 20 joba barlyq turǵyda óz múmkindikterin kórsetti, memleket aldynda óziniń bolashaqta qalaı damıtynyn tolyq dáleldedi», - deıdi spıker.

Onyń aıtýynsha, bul jobalar akselerator bitken soń da naryqta damı alady, biraq memleketpen seriktestikte damıtyn bolsa, memlekettiń utary kóp bolady.

«Akselerator esh qarajat bergen joq, biraq sonda da jobalar úlken qyzyǵýshylyqpen sońyna deıin jetti. Endi bolashaqta qarjylandyrý kózderiniń formasyn tabý kerek dep esepteımin. Óıtkeni bul jobalardy memleket tarapynan qarjylandyrýǵa jáne basqa da qarjy kózderin tartýǵa bolady. Masshtabtaý týraly da búgin tereń oılar aıtyldy, aldaǵy jyly sonyń kýási bolsaq dep oılaımyz. Sarapshylar qaýymdastyǵy resmı jumysyn toqtatsa da, beıresmı túrde damı beredi», - dedi Maqpal Jumabaı.


Joǵary qaraı