Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mádenı demalys: Osy aptada Nur-Sultanda qandaı is-sharalar ótedi

2021 jyldyń 23 qarasha 2021 22:35

NUR-SULTAN. QazAqparat - Osy aptada elordalyq mádenıet mekemeleri úı kórmeler men spektaklderden bastap shyǵarmashylyq keshter men tanymdyq dáristerge deıin birqatar túrli is-sharalar ótkizýdi josparlap otyr. Olardy onlaın jáne oflaın rejımde kórýge bolady, dep habarlaıdy QazAqparat qala ákimdiginiń resmı saıtyna silteme jasap.

24 qarasha kúni saǵat 19:00-de E.Rahmadıev atyndaǵy Memlekettik akademııalyq fılarmonııasy qonaqtardy QR eńbek sińirgen qaıratkeri, QR Memlekettik syılyǵynyń laýreaty, kompozıtor Tólegen Muhamedjanov pen Qazaqstan men Tatarstannyń Halyq ártisi Nurjamal Úsenbaevanyń «Jasaı ber, qazaq eli» atty shyǵarmashylyq keshine shaqyrady. Táýelsizdiktiń 30 jyldyǵyna arnalǵan kontsertte QR eńbek sińirgen qaıratkerleri Estaı Muqashev, Súndet Baıǵojın, Medet Shotabaev, Altynaı Jorabaeva, Araılym Rahymqyzy, Aıgúl Qosanova, kameralyq hor, sımfonııalyq orkestr, halyqaralyq konkýrstardyń laýreattary Nurbol Balapanov, Muratbek Haırolda, Talǵat Allaberınov, Dıana Maı, Altynshash Muqataeva, Aıdyn Jumabaı, Nurqanat Tapıev, Aqbota Qusnadın, Ákimhan Majenov, Parasat Otan óner kórsetedi.

26 qarasha kúni keshke «Astana» kontsert zalynda Polsha Respýblıkasynyń Elshiligimen birlesip, elordalyq fılarmonııanyń «Polıak kompozıtorlarynyń saýndtrekteri» sımfonııalyq orkestriniń mýzykalyq keshi ótedi. Kesh baǵdarlamasynda «Qorqyt» etno-ansambli de óner kórsetedi.

Apta boıy qala turǵyndary men qonaqtary mazmundy baǵdarlama daıyndaǵan elordalyq teatrlardyń qoıylymdaryna qatysa alady.

Osylaısha, «Jastar» teatry 23 jáne 24 qarasha kúnderi keshkisin K. Murattyń «Otkrovenıe pod pokrovom dojdıa» dramasyn kórsetedi. Jas kórermender úshin Jastar teatry V.Orlovtyń «Dobroe serdtse» ertegisin daıyndady. Kórsetilim 25 qarasha kúni saǵat 12:00-de jáne 14:00-de ótedi. Sol kúni osynda M.Áýezovtyń «Aıman-Sholpan» mýzykalyq dramasyn qoıady.

M. Gorkıı atyndaǵy Memlekettik akademııalyq orys drama teatrynda 24 qarasha kúni saǵat 11:00 jáne 14: 00-de A. Boldınovtyń «Prıklıýchenııa Aıstenka oqıǵalary» ertegisin kórsetedi. Al 26 qarashada saǵat 19:00-de gorkıılyqtar R.Tomnyń «Vosem lıýbchıh jenın» tragıkomedııasynyń premerasyna shaqyrady.

25 qarasha kúni saǵat 15:00-de jas kórermenniń mýzykalyq teatry qazaq aqyny Muqaǵalı Maqataevtyń 90 jyldyǵyna arnalǵan «Ǵashyq-júrek» mýzykalyq-poetıkalyq spektaklin usynady.

26 qarasha kúni saǵat 16:00-de, sondaı-aq 27-28 qarasha kúnderi saǵat 12:00-de jáne 14: 00-de elordalyq qýyrshaq teatry Á. Salaevtyń halyq ertegisi jelisimen «Starık perekatı-pole» qoıylymyn kórsetedi.

Qalalyq kitaphanalarda da birqatar is-sharalar ótkiziledi. 24 Qarashada №15 buqaralyq kitaphana «Samyı trýdnyı v mıre klassık» atty oı-tolǵaý kórmesin, al №5 buqaralyq kitaphana «Qoǵamdyq tártip - árbir azamattyń isi» atty aqparat saǵatyn uıymdastyrady.

Kúndiz kózi kórmeıtin jáne nashar kóretin azamattarǵa arnalǵan mamandandyrylǵan kitaphanada «Teńge - táýelsizdik kelbeti» tanymdyq saǵaty, al №8 balalar kitaphanasynda – ádebı-quqyqtyq vıktorına ótedi. 26 qarashada №10 buqaralyq kitaphana «Quqyq áleminde» beınerolıgin daıyndaıdy, onda azamattyq jaýapkershilik negizderi, qoǵam aldyndaǵy ár adamnyń mindetteri kórsetiledi. 30 Qarashada № 5 buqaralyq kitaphanada «Flora» bólme ósimdikterin súıetinder klýbtarynyń otyrysy ótedi.
26 qarashada «Jastar» saraıy áleýmettik jelilerdegi resmı paraqshalarynda Ybyraı Altynsarınniń 180 jyldyq mereıtoıyna arnalǵan «Jızn v tvorchestve» toptamasynan alynǵan derekti beınerolıkti kórsetedi.
«Atameken» Qazaqstan Kartasy « etno-memorıaldyq kesheni 24 qarashada óziniń Instagram jáne Facebook akkaýnttarynda «Rýhanı jańǵyrý« baǵdarlamasy boıynsha dáris ótkizedi, bir kúnnen keıin jazýshy, UOS qatysýshysy Jangeldi Toqtaǵalıdiń týǵanyna 105 jyl tolýyna oraı onyń ómiri men shyǵarmashylyǵymen tanystyrady.

26 qarashada Dúnıejúzilik aqparat kúni, al 28 qarashada Shoqan Ýálıhanovtyń týǵanyna 180 jyl tolady.

Saıası qýǵyn-súrgin jáne totalıtarızm qurbandarynyń «ALJIR« memorıaldy-murajaı kesheninde 26 qarashada buryn esirtkige táýeldi bolǵan, aýrýyn jeńgen adamnyń qatysýymen dıalog-dıspýt ótedi. 28 qarashada onlaın formatta olar «Deportatsııa tragedııasy« taqyrybynda dáris uıymdastyrady.

Osy apta boıy Sáken Seıfýllın murajaıy áleýmettik jelilerdegi óz paraqshalarynda» Sáken ómirinen...«, M.Qozybaevtyń 90 jyldyǵyna arnalǵan dáris, «Ternıstyı pýt« romanynan úzindi jarııalaıdy.

Tarıhı-mádenı mura eskertkishteri men obektileriniń saqtalýyn qamtamasyz etý dırektsııasy 24 qarashada «Sokralnaıa karta. Istorııa Nýr-Sýltana v pamıatnıkah ı obektah stolıtsy« taqyrybynda onlaın lektsııasyn, al bir kúnnen keıin – azattyq kóterilis jetekshisiniń 230 jyldyǵyna arnalǵan «Isataı Taımanuly bastaǵan ult-azattyq kóterilis« tikeleı efırdegi sabaǵyn ótkizedi.

28 qarashada «Máńgilik El« saltanat qaqpasynyń áleýmettik jelilerdegi paraqshalarynda elordanyń 10 jyldyq mereıtoıyna Almaty oblysynyń syıǵa tartqan Jambyl Jabaev eskertkishi týraly tolyq aqparat paıda bolady.

Barlyq is-sharalar sanıtarlyq normalardy qatań saqtaı otyryp ótedi.


Basty sózder: Qoǵam, Mádenıet, Nur-Sultan,
Joǵary qaraı