Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Lıýksembýrgte Qazaqstan Táýelsizdiginiń 30 jyldyǵyna poshtalyq markalar shyǵaryldy

2021 jyldyń 18 qazan 2021 09:45

BRıÝSSELЬ. QazAqparat – Qazaqstannyń Belgııa Koroldigindegi Elshiligi, elimizdiń Lıýksembýrgtegi Qurmetti konsýldyǵy men «Eurasian Resources Group» kompanııasy Qazaqstan Táýelsizdiginiń 30 jyldyǵyna oraı Lıýksembýrgte mereıtoılyq poshta markalaryn shyǵarý bastamasyn kóterdi, dep habarlaıdy QazAqparat menshikti tilshisi.

Poshtalyq markada Qazaqstan Táýelsizdiginiń 30 jyldyǵynyń logotıpi beınelengen. Shyǵarylǵan poshta markalary kúndelikti hat-habarlarda, sondaı-aq kádesyı ónimderi retinde paıdalanýǵa bolady.

Lıýksembýrg óziniń poshta markalaryn alǵash ret 1852 jyly 15 qyrkúıekte shyǵardy, al alǵashqy ulttyq poshta markalarynyń kórmesi 1946 jyly 28-29 shildede Dıýdelanj qalasynda uıymdastyryldy.

Mereıtoılyq marka «Post Luxembourg» ulttyq poshta kompanııasynyń qoldaýymen shyǵaryldy. 170 jyldan astam ýaqyt ishinde «Post Luxembourg» joǵary standartty qyzmetterdi usyna otyryp, el turǵyndarynyń ómirinde mańyzdy ról atqarady.




«Qazaqstan Táýelsizdiginiń 30 jyldyǵy» logotıpi bar markanyń alǵashqy danalary Lıýksembýrg Uly Gertsogtiginiń memlekettik qurylymdarynyń, uıymdarynyń, kompanııalarynyń, sondaı-aq Lıýksembýrgtegi «Qazaqstan-Lıýksembýrg» Qazaqtar qaýymdastyǵynyń ókilderine berildi.





Joǵary qaraı