Aýa raıy
Astana -13 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Lýgovaıa stansasynyń ataýy Túrksib bolyp ózgerdi

2020 jyldyń 30 qazan 2020 16:07

NUR-SULTAN. QazAqparat - Lýgovaıa stansasy Túrksib dep ataldy. Mundaı sheshim Túrkistan-Sibir temirjol magıstraliniń 90 jyldyǵyn merekeleýge baılanysty qabyldandy, dep habarlaıdy QazAqparat.

Indýstrııa jáne ınfraqurylymdyq damý mınıstrliginiń málimetinshe, bul bastama el tarıhy úshin mańyzdy jobaǵa qatysqan qurylysshylar men temirjolshylardyń eńbegin máńgi este saqtaýǵa baǵyttalǵan.

2020 jylǵy 23 qazanda QR Úkimetiniń «Temirjol vokzaly keshenin jáne keıbir temirjol stantsııalaryn qaıta ataý jáne keıbir temirjol stansalary ataýlarynyń transkrıptsııasyn ózgertý týraly» qaýlysy qabyldandy.

Esterińizge sala keteıik, Túrksib 1930 jyly 31 jeltoqsanda paıdalanýǵa berilgen bolatyn.1927 jyly 21 qarashada Lýgovaıa stansasy osy temirjoldyń alǵashqy relsterin saldy.

Osy jerde Halyq komıssarlary keńesi tóraǵasynyń orynbasary Turar Rysqulovtyń qatysýymen qurylys alańynyń resmı ashylýy ótti.

Ańyzǵa aınalǵan magıstral sol kezde ekonomıkanyń damýynda mańyzdy ról atqardy. Ol úlken aýmaqtyń tabıǵı resýrstaryn ıgerýge, ónerkásiptik jáne aýylsharýashylyq áleýetin iske asyrýǵa múmkindik berdi.

Túrksibti jańa ómir joly dep atady. Magıstral boıynda qalalar men jumysshy poselkeler paıda boldy.

Qazir Túrksib tek Qazaqstannyń ǵana emes, sondaı-aq Orta Azııanyń barlyq respýblıkalarynyń ekonomıkasynda tabysty jumys istep, olardy Qytaıdan bastap Reseı, Orta Azııa, Taıaý Shyǵys elderi arqyly jáne Eýropaǵa deıingi biryńǵaı Jibek jolyna biriktiredi.


Basty sózder: Onomastıka, Kólik, QTJ, Jambyl oblysy,
Joǵary qaraı