Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Lor Kasten: Men úshin Qazaqstan men Abaı - egiz uǵym

2019 jyldyń 24 qańtar 2019 14:44

ASTANA. QazAqparat - Qazaqstanǵa Frantsııa mádenıettanýshylary men tarıhshylary úlken qyzyǵýshylyq tanytyp otyr. Bul týraly Elbasy kitaphanasyna kelgen Qazaqstan Respýblıkasyndaǵy Frantsııa elshiliginiń mádenıet jáne seriktestik máseleleri boıynsha keńesshisi Lor Kasten málimdedi, dep habarlaıdy QazAqparat.

Kasten hanym qazaq memlekettiginiń tarıhyn, ásirese HІH-HH ǵasyrlar kezeńin erekshe qyzyǵýshylyqpen oqyp jatqanyn atap ótti.

«Qazaqstanǵa alǵash kelýim. Bes aıdan beri eki el arasyndaǵy mádenıet jáne seriktestik máseleleri boıynsha jumys istep jatyrmyn. Búgin sáni jarasqan Nazarbaev ortalyǵynda bolyp, memlekettiń tarıhyna súńgip ketkendeı kúı keshtim. Elbasy kitaphanasynda Qazaqstan Prezıdenti Nursultan Nazarbaevtyń marapattar ekspozıtsııasy erekshe áser etti. Bul jerdi asyqpaı, ár eksponattyń qyzyqty tarıhyna úńile otyra aralaý kerek», - dedi Lor Kasten.

Sonymen qatar, Frantsııa ókili búginde eki el arasyndaǵy iskerlik jáne mádenı baılanystar óte joǵary deńgeıde ekenin, alaıda ony, ásirese, bilim men týrızm salasynda tereńdete túsý kerektigin atap ótti.

«Týystarym men dostaryma Qazaqstan týraly aıtqanda, eń birinshi aýyzǵa iligetini - qazaq halqynyń sheksiz qonaqjaılyǵy, qonaq kúte alýy, jaıdary minezi men keńpeıildigi. Onymen qosa, men úshin Qazaqstan men Abaı uǵymdary - egiz. Onyń shyǵarmalary ómirlik fılosofııasynyń tereńdigimen janyńdy baýrap alady. Ár kesh saıyn dostaryma Qazaqstan týraly fotosýretter jiberemin. Bul kez kelgen halyqtyń dástúri men mádenıetin keń tanytyp, pash etýdiń eń bir jyldam tásili dese de bolady. Buǵan tym áýestenip ketkenim sondaı, jibergen sýretter men aıtqan málimetterden keıin týystarym men dostarym Qazaqstandy qatty kórgisi keledi», - deıdi Kasten hanym.




null

Joǵary qaraı