Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Laı kóshkininde joǵalǵan 5 jasar balanyń máıiti tabyldy

2022 jyldyń 15 mamyr 2022 18:55

TEKELІ. QazAqparat - Tekelidegi laı kóshkininde joǵalǵan bes jastaǵy balanyń máıiti tabyldy, dep habarlaıdy QazAqparat tilshisi.

Bul jóninde Almaty oblysy ákiminiń keńesshisi Ǵalymurat Júkel feısbýk paraqshasynda jazdy.

«Bes jasar qyzdyń máıiti tabyldy. Shapaǵatshy bolsyn!», - dep jazdy ol.
Bul aqpparatty Almaty oblysy tótenshe jaǵdaı departamenti de rastady.
«15 mamyr kúni saǵat 18.15-te qyzmettik ıttiń kómegimen Tekeli qalasynda laı kóshkini kezinde qaza tapqan 2016 jyly týǵan qyz balanyń denesi buzylǵan úıindi astynan tabyldy»- delingen habarlamada.







Aıta ketsek, búgin túski saǵat 13:00 shamasynda Tekelidegi Qonaev kóshesinde laı kóshkini júrip, bes jastaǵy qyz bala joǵalyp ketken. Ony izdeýge eki júzdeı adam jumyldyryldy. Tekeli qalasyndaǵy laı kóshkininiń aldyn ala uzyndyǵy 50 metr , eni 25 metr , bıiktigi 3,5 metr , kólemi 4375 tekshe metr.

Kóshkinnen jeke turǵyn úı qırady, bir úı balshyqtyń astynda qaldy, turǵyn úılerdiń taǵy tórteýiniń aýlasyn ishinara laı kóshkini shaıyp ketti.

Sonymen qatar laı kóshkeniniń bolý sebebi aldyn ala aıtyldy.





Joǵary qaraı