Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

La-Manshty qaıyqpen kesip ótpek bolǵan 5 mıgrant qaza tapty, birnesheýi es-túzsiz jatyr

2021 jyldyń 24 qarasha 2021 22:37

PARIJ. QazAqparat - Frantsııa jaǵalaýynda zańsyz jolmen Ulybrıtanııaǵa La-Mansh arqyly ótpek bolǵan mıgranttardyń qaıyǵy apatqa ushyrap, kem degende bes adam qaza tapty. Bul týraly QazAqparat AFP agenttigine silteme jasap habarlaıdy.

Frantsııa ishki ister mınıstrligindegi derekkózdiń aıtýynsha, Parıj ýaqytymen 14:00 shamasynda bir balyqshy Kale qalasy aýmaǵyndaǵy La-Mansh arnasynan on beske jýyq adamnyń tabylǵany týraly habarlaǵan. Qutqarý operatsııasy kezinde bes adamnyń kóz jumǵany anyqtaldy, taǵy bes adam es-tússiz jatqan.

Keleńsiz jaǵdaıǵa baılanysty eldiń ishki ister mınıstri Djerald Darmanen oqıǵa ornyna attandy.

La-Mansh pen Pas-de-Kale arqyly ótýge árekettengen zańsyz mıgranttardyń sany únemi ósip keledi. Aımaq teńiz prefektýrasynyń málimeti boıynsha, bıyl 1 qańtar men 31 tamyz aralyǵynda Frantsııa jaǵalaýynan Ulybrıtanııaǵa teńiz arqyly jetýge 15,4 myń zańsyz mıgrant árekettengen.


Illıýstratsııalyq sýret
Basty sózder: Mıgratsııa, Oqıǵa, Álem,
Joǵary qaraı