Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordalyq ónertapqysh Almaty aýasyn jaqsartýǵa úles qospaq

2021 jyldyń 14 qazan 2021 18:31

ALMATY. QazAqparat - Qyzylorda qalasynyń turǵyny Marat Palmahov Almatynyń aýasyn jaqsartýǵa óz úlesin qospaq. Ol týraly ónertapqysh «QazAqparat» tilshisine aıtyp berdi, dep habarlaıdy QazAqparat tilshisi.

Jas ónertapqysh Almaty ekologııasyn jaqsartý týraly ıdeıa qaıdan kelgenin aıtty.

«Bul ıdeıa maǵan «EKSPO-2017» halyqaralyq kórmesi ótip jatqanda, ekologııalyq jobalardy kórgen kezde keldi. Sol kezde men «Máńgilik qozǵaltqysh» dep atalatyn jobamnyń prototıpin ázirlep jatqan bolatynmyn», - deıdi Marat.

Al jobalyq «Oazıs» aýa tazartqysh qurylǵysyn jasap shyǵarýǵa Marattyń úsh jyl ýaqyty ketken. Marat onyń qyzmeti jáne ornatý joldarymen bólisti.

«Aýa tazalaǵysh qurylǵylardy qalada ornatý úshin bıik ǵımarattardyń ústine olardy jáne nasostardy birge ornatý kerek. Qurylǵy aýany túgeldeı tsırkýlıatsııa jasap, aýystyrady. ıAǵnı, agregat las aýany tolyǵymen tartyp alyp, nasosqa jiberedi. Nasos aýany tazalap, aýa aınalymy bar jaqqa tasymaldaıdy»,- deıdi ol.

Marattyń aıtýynsha, álemde bul qurylǵyǵa uqsas analog joq, sebebi, onyń aýqymy úlken, búkil qalany qamtymaq. Sondaı-aq, ol 12 aı, aptasyna 7 kún, táýligine 24 saǵat boıy úzilissiz jumys istemek. Klımatqa táýeldi emes.

Ónertapqysh Marattyń asqaq armany da bar eken.

«Bolashaqta Qazaqstannyń ekologııalyq taza jáne aldyńǵy qatarly el bolýyna úles qosqym keledi. Tek shet elde ǵana emes, bizdiń jerimizde de myqty «mılar» men jobalar bar ekenin álemge kórsetip, moıyndatqym keledi»,- deıdi Marat.

Al ázirge búgingi jobasyn Almaty qalasynda júzege asyrǵysy keledi. Biraq, ol úshin is-qımyl erkindigi, synaq júrgizýge ǵımarat, qarjylyq jáne tehnıkalyq qoldaý qajet ekenin de jasyrmaıdy.


Avtor Dýman Arǵyngeldi
Basty sózder: Ekologııa, Almaty, Ǵylym,
Joǵary qaraı