Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada jyl basynan beri ónerkásip kásiporyndary 543 mlrd. teńgeniń ónimin óndirdi

2021 jyldyń 15 qazan 2021 14:25

QYZYLORDA. QazAqparat - Qyzylorda oblysynda jyl basynan beri ónerkásip kásiporyndary 543 mlrd. teńgeniń ónimin óndirdi, dep habarlaıdy QazAqparat tilshisi.

Ónerkásip óndirisinde ósim ózge de paıdaly qazbalardy óndirý 5,3, taý-ken óndirý ónerkásibinde qyzmet kórsetý 13,6, óńdeý ónerkásibi 12,6%-ǵa artty.

«Mundaı oń ózgerister jeńil ónerkásip, ózge de beımetall mıneraldyq ónimderdi, tamaq ónimderin óndirý, mashınalar men jabdyqtardy jóndeý jáne ornatý, jıhaz óndirý salalarynda baıqaldy. Sondaı-aq, hımııa ónerkásibiniń ónimderin óndirý, koks jáne munaı óńdeý ónimderin óndirý, rezeńke jáne plastmassa buıymdardy jasaý salalarynda da kórinis berdi. Nátıjesinde óńdeý ónerkásibinde ósim 12,6%-ǵa artty. Ol 123,8 mlrd. teńgeni qurady», - dedi oblystyq ekonomıka jáne bıýdjettik josparlaý basqarmasynyń basshysy Nurǵalı Qordabaı.

Vedomstov málimetinshe, jyl basynan beri óńir ekonomıkasyna 186,4 mlrd. teńge ınvestıtsııa salynǵan. Aımaqta 63,1 mlrd. teńgege qurylys jumystary oryndalyp, 502,4 myń sharshy metr turǵyn úı paıdalanýǵa berildi.

Al aýyl sharýashylyǵynyń jalpy óniminiń kólemi 120 mlrd. teńgege jetti.

Eske salsaq, Qyzylorda oblysynda shyny zaýytynyń qurylysy bıyl aıaqtalady.


Joǵary qaraı