Qyzylordada jyl basynan beri 114 adam koronavırýs juqtyrǵan

QYZYLORDA. QazAqparat - Qyzylorda oblysynda jyl basynan beri 114 adam koronavırýs juqtyrǵan. Onyń basym bóligi Qyzylorda qalasynda turady, dep habarlaıdy QazAqparat tilshisi.

Aıta keteıik, oblysta jyl basynan beri tirkelgen 114 naýqastyń 90-y Qyzylorda qalasynda turady.

Sondaı-aq, Jańaqorǵanda - 13, Qarmaqshyda - 4, Jalaǵash pen Shıelide - 3, Syrdarııada - 1 adam qaterli indetke shaldyqty.

«Sońǵy táýlikte koronavırýs ınfektsııasyn juqtyrýdyń 6 deregi Qyzylorda qalasynda tirkeldi. Aıta keterligi, 4 naýqastan jótel, álsizdik, dene temperatýrasynyń joǵarylaýy, deneniń aýyrsynýy sekildi aýrý sımptomy baıqalǵan. Al 2 adamnan aýrýdyń klınıkalyq belgisi anyqtalǵan joq. Turǵyndardan barlyq saqtyq sharalaryna nazar aýdarýyn suraımyz», - deıdi Qyzylorda oblysy sanıtarııalyq-epıdemıologııalyq baqylaý departamentiniń baspasóz qyzmeti.

Qazir óńirde koronavırýs ınfektsııasymen tirkelgen naýqastar sany - 3 506.

Óńirlik kommýnıkatsııalar qyzmetiniń málimetinshe, indetten aıyqqan naýqastar sany 3408 adamǵa jetti. Sońǵy táýlikte 7 naýqas emdelip shyqty.

Búginde ınfektsııalyq statsıonarda - 27, al statsıonardyń reanımatsııa bóliminde 3 naýqas em alyp jatyr.

Esterińizge sala ketelik, Qyzylorda oblysynda 134 dárige shekti baǵa engizildi.