Aýa raıy
Astana -14 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada jyl basynan beri 1 myńǵa jýyq adam mas kúıinde kólik júrgizgen

2020 jyldyń 24 qarasha 2020 13:18

QYZYLORDA. QazAqparat - Qyzylordada polıtseıler jyl basynan beri kólikti mas kúıinde basqarǵan 919 adamdy ustady, dep habarlaıdy QazAqparat tilshisi.

Oblysta «Qaýipsiz jol» jedel-profılaktıkalyq is-sharasy ótkizildi.

Bul shara qoǵamdyq tártipti saqtaý men jol qozǵalysy qaýipsizdigin qamtamasyz etý, jol-kólik oqıǵasyn aldyn alý maqsatynda uıymdastyryldy.

«Jyl basynan beri oblysta 919 júrgizýshi kólikti mas kúıinde júrgizgen. Al «Qaýipsiz jol» sharasynyń alǵashqy úsh kúninde oblys boıynsha kólikti mas kúıinde basqarǵan 9 júrgizishi anyqtaldy», - dep málim etti Qyzylorda oblystyq polıtsııa departamentiniń baspasóz qyzmeti.

Vedomstvo málimetinshe, patrýldik polıtsııa qyzmetkerleri Aral qalasy kósheleriniń birinde 47 jastaǵy aýdan turǵynynyń basqarýyndaǵy «Toyota» avtokóligin toqtatqan.

Qujat tekserý barysynda ol azamattyń bıyl 7 jylǵa kólik júrgizý quqyǵynan aırylǵany belgili boldy. Kólik júrgizýshisi rólge qaıta spırt ishimdigin iship otyrǵany anyqtaldy.

Atalǵan derek boıynsha QR Qylmystyq kodeksiniń 346-babynyń 1-bóligimen sotqa deıingi tergeý amaldary júrgizilýde.

Onda kólik quraldaryn basqarý quqyǵynan aıyrylǵan jáne alkogoldik masań kúıdegi adamnyń kólik quralyn basqarýy jaǵdaıy kórsetilgen.

«Aıta keterligi, «Qaýipsiz jol» is-sharasy barysynda jol qozǵalysy qaýipsizdigin qamtamasyz etýde jergilikti polıtsııa qyzmetkerleri birqatar keleńsizdikterdi anyqtady. Kólik ıeleri barlyǵy 1229 jol qozǵalysy erejesin buzýǵa jol bergen. Al polıtseıler jolaýshylar tasymalymen aınalysatyn qoǵamdyq kólik júrgizýshileri tarapynan 10 jol erejesin buzý jaǵdaıyn tirkedi», - dep habarlady departamentten.

Eske salsaq, budan buryn Qyzylordada tárkilengen 162 qarý belgilengen tártipke saı joıyldy.


Avtor Ádiljan Úmbet
Basty sózder: Oqıǵa, Zań, Kólik, Qyzylorda oblysy,
Joǵary qaraı