Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada joǵalǵan úsh qyz: Lıýbov pen Rano qalaı tabyldy

2021 jyldyń 28 naýryz 2021 14:51

QYZYLORDA. QazAqparat - Qyzylordada eki kúnnen astam ýaqyt boıy habarsyz ketken úsh jasóspirim qyzdyń ekeýiniń Almaty qalasynan tabylýyna baılanysty jańa derekter belgili boldy, dep habarlaıdy QazAqparat tilshisi.

Bul jóninde oblystyq bilim basqarmasynyń basshysy Aqzıra Qasymova óziniń Facebook paraqshasynda jazdy.

«Bala ómirine beı-jaı qaraı almaıtyn janashyr azamattar bar. Solardyń arqasynda birneshe kúnnen beri habarsyz ketken otbasy úlgisindegi balalar úıiniń tárbıelenýshileri tabyldy. «Beısenbi kúni túngi ýaqytta balalar joǵaldy» degen habardy estigennen keıin azamattyq tanytqandar az emes. Ortaq iske sala mamandary, erikti azamattar jumyla kirisip, kúni-túni qyzdardy izdeý protsesine aralasty. Osyndaı birikken toptardy úılestirýge atsalysqan Maıa Jomart pen Anar Іzden hanymdarǵa alǵys aıtamyn», - dedi basqarma basshysy.

Onyń aıtýynsha, bastamashyl toptaǵy erikti azamattar áleýmettik jeliler arqyly temirjol, aeroport, eldi mekenderge qatynaıtyn taksı qyzmetkerlerine balalar týraly aqparatty taratyp, jedel áreket etti . Top-topqa bólingen azamattar qaladaǵy qonaq úı, jaldamaly páterler men ýaqytsha turaqjaılardyń barlyǵyna barǵan.

«ıÝvenaldy polıtsııa qyzmetkerleri, qaladaǵy bilim berý mekemeleriniń mamandary, bastamashyl top ókilderi, qoǵamdyq birlestiktegi eriktiler men taksı júrgizýshilerine operatıvti áreket etkeni úshin shynaıy alǵysymdy bildiremin. Qalanyń barlyq kósheleri men halyq kóp shoǵyrlanatyn nysandardy 2000-ǵa jýyq belsendi azamat kúndiz-túni aralap shyqty. Osyndaı jumystardyń nátıjesinde Lıýbov pen Rano Almaty qalasynan tabyldy. Dilda qyzymyzdy izdeý jalǵasýda. Aman-esen tabylǵan tárbıelenýshilerdiń zańdy ókili Lıza Ysqaqova balalardy alyp kelý baǵytynda Almaty qalasyna jolǵa shyqty», - dedi Aqzıra Qasymova.


Avtor Ádiljan Úmbet
Basty sózder: Qyzylorda oblysy, Qoǵam, Oqıǵa,
Joǵary qaraı