Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada jeńil kólik darııaǵa sýǵa túsip ketti

2021 jyldyń 29 qarasha 2021 11:07

QYZYLORDA. QazAqparat - Qyzylorda qalasynda jeńil kólik darııaǵa sýǵa túsip ketti, dep habarlaıdy QazAqparat tilshisi.

Oqıǵa oblys ortalyǵyndaǵy «Rısmash» aýmaǵynda túngi saǵat 03:54 shamasynda bolǵan. Oblys tótenshe jaǵdaılar departamentine kelip túsken habarlamada darııaǵa «Daewoo Nexia» avtokólik túsip ketkeni aıtylǵan.

«Kóliktiń ishinde eki adam bolǵan. Onyń bireýi - 1994 jylǵy azamat óz kúshimen jaǵaǵa shyqqan. Sol jastaǵy taǵy bir azamat kóliktiń ishinde qalyp qoıǵan. Oqıǵa ornyna jedel-qutqarý jasaǵynan 1 tehnıkamen 5 adam bardy», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Vedomstvo málimetinshe, qutqarýshylar 04.20-da sý asty izdestirý jumystaryn bastady. Ázirge nátıje joq.

Eske salsaq, budan buryn Qyzylordada mal sýarýǵa barǵan adam sýǵa batyp ketti.





Avtor Ádiljan Úmbet
Basty sózder: Qyzylorda oblysy, Oqıǵa, Kólik,
Joǵary qaraı