Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada jasyryn ýaǵyz júrgizgen dinı ekstremıstik uıym belsendisi sottaldy

2021 jyldyń 20 qazan 2021 07:40

QYZYLORDA. QazAqparat - Qyzylordada qala aýmaǵynda jasyryn ýaǵyzdar júrgizgen dinı ekstremıstik uıym belsendisi sottaldy, dep habarlaıdy QazAqparat tilshisi.

Bul maqsatta Qyzylorda oblysy Polıtsııa departamenti jáne Ulttyq qaýipsizdik departamentiniń qyzmetkerleri jedel izdestirý is-sharalaryn júrgizgen bolatyn. Nátıjesinde «Tablıǵı jamaǵat» dinı ekstremıstik uıymyn jaqtaıtyn 48 jastaǵy oblys turǵyny qolǵa tústi.

Atalǵan azamattyń tyıym salynǵan dinı ekstremıstik uıymynyń sharttary men dástúrlerin ustanatyny anyqtaldy. Onyń qyzmetin uıymdastyryp, dinı alaýyzdyqty qozdyratyn jáne dinı ekstremıstik dep tanylatyn aqparattardy nasıhattaǵan. Dinı ekstremıstik uıym jıyndaryn qala aýmaǵynda uıymdastyryp, jasyryn ýaǵyzdar júrgizgen.

«Arnaıy is-sharalar materıaldaryn taldaý barysynda, bul azamattyń is-áreketinde quqyq buzýshylyq belgileri baıqalǵan. Oǵan qatysty QR Qylmystyq kodeksiniń 405-babynyń 1-bóligimen sotqa deıingi tergep - tekserý jumystary júrgizildi. Onda qoǵamdyq nemese dinı birlestikke ne ózge de uıymǵa qatysty olardyń ekstremızmdi nemese terrorızmdi júzege asyrýyna baılanysty qyzmetine tyıym salý nemese taratý zańdy kúshine engen sot sheshimi bola tura, olardyń qyzmetin uıymdastyrý jaǵdaıy kórsetilgen», - dep málim etti Qyzylorda qalalyq polıtsııa departamentinen.

Vedomstvo málimetinshe, Qyzylorda qalalyq sotynyń úkimimen atalǵan azamattyń 3 jyl 6 aı merzimge bas bostandyǵy shekteldi. Ol probatsııalyq baqylaýǵa alyndy.

Eske salsaq, budan buryn Qyzylordada jasóspirimder arasynda jappaı tóbeles boldy.



Joǵary qaraı