Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada jasóspirimder arasynda jappaı tóbeles boldy

2021 jyldyń 27 tamyz 2021 23:10

QYZYLORDA. QazAqparat - Qyzylorda oblysy Qarmaqshy aýdanynda jasóspirimder arasynda jappaı tóbeles boldy, dep habarlaıdy QazAqparat tilshisi.

Oqıǵa búgin, 27 tamyzda saǵat 19.00 shamasynda Qarmaqshy aýdanynyń ortalyǵy - Josaly kentiniń shet aımaǵynda tirkelgen. Sol aýmaqta jasóspirimder arasynda kelispeýshilik týyndap, olardyń arasynda janjal bolǵan.

«Áleýmettik jelilerge júrgizilgen monıtorıng barysynda bir top jasóspirimniń arasynda týyndaǵan janjal týraly beınejazba anyqtaldy. Tekserý barysynda oqıǵanyń Qarmaqshy aýdanynda bolǵandyǵy naqtylandy. Aýdandyq polıtsııa bóliminiń qyzmetkerleri oqıǵa ornyna jedel jetip, jasóspirimderdi taratty. Zardap shekkender joq. Buǵan baılanysty aýdandyq polıtsııa bólimine eshqandaı aryz-shaǵym túsken joq», - dep málim etti Qyzylorda oblystyq polıtsııa departamentinen.

Vedomstvo málimetinshe, atalǵan derek boıynsha QR Qylmystyq kodeksiniń 293-baby (Buzaqylyq) boıynsha sotqa deıingi tergep-tekserý amaldary bastaldy. Oqıǵanyń mán -jaıy anyqtalýda.


Avtor Ádiljan Úmbet
Basty sózder: Oqıǵa, Qyzylorda oblysy,
Joǵary qaraı