Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylordada jappaı tártipsizdik kezinde zaqym kelgen 9 ǵımaratqa jóndeý júrgizilýde

2022 jyldyń 16 qańtar 2022 07:30

QYZYLORDA. QazAqparat - Qyzylordada jappaı tártipsizdik kezinde zardap shekken 9 ǵımaratqa jóndeý jumystary júrgizilýde, dep habarlaıdy QazAqparat tilshisi.

Bul jóninde oblys ákimi Gúlshara Ábdiqalyqova óziniń áleýmettik jelidegi paraqshasynda jazdy.

«Qadirli syrboıylyqtar! Sizder qazir oblysta qandaı jumystar atqarylyp jatqanynan buqaralyq aqparat quraldary, áleýmettik jeliler arqyly habardar bolyp otyrsyzdar dep oılaımyn.

Búgingi tańda aımaqta ahýal turaqtaldy. Turmys-tirshiligimiz qaıta qalpyna kelip jatyr. Kesheden bastap Qyzylorda qalasynda zardap shekken

9 ǵımaratqa jóndeý jumystary júrgizilýde.

Aǵymdaǵy jóndeý jasalatyndardy jaqyn ýaqytta, al, kúrdeli jóndeýdi qajet etetin ǵımarattardy aqpan aıynyń 20-syna deıin bitirýge tapsyrma berdim. Eń jumysy kúrdeli oblystyq sot ǵımaratyn jóndeýge 80 jumysshy tartyldy. Ári qaraı da jumysshylar sany arta beredi.

Kommýnaldyq qyzmetter úzdiksiz, toqtatpaı jumys isteýin baqylap otyrmyn. Syr elin aýyzbirshilikpen birge órkendete bereıik!» - dep jazdy oblys ákimi.

Eske salsaq, budan buryn Qyzylordada áskerı júk kóligimen nysandardy qıratqan adam ustaldy.



Avtor Ádiljan Úmbet
Basty sózder: Qyzylorda oblysy, Qurylys,
Joǵary qaraı