Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylordada jappaı tártipsizdik kezinde 210 adam túrli dene jaraqatymen aýrýhanaǵa kóringen

2022 jyldyń 26 qańtar 2022 18:58

QYZYLORDA. QazAqparat - Jappaı tártipsizdik kezinde jalpy 210 adam túrli dene jaraqatymen aýrýhanaǵa kóringen, dep habarlaıdy QazAqparat tilshisi.

Jappaı tártipsizdik kezinde 18 ǵımarat búlinip, olarǵa materıaldyq shyǵyn keltirilgen. Mundaı ǵımarattar qatarynda oblystyq jáne qalalyq ákimdik, oblystyq, qalalyq «Nur Otan» partııasy, oblystyq, qalalyq sot, oblystyq polıtsııa departamenti jáne qalalyq polıtsııa basqarmasy bar. Sondaı-aq, jergilikti polıtsııa basqarmasy, 6 statsıonarlyq polıtsııa pýnkteri, lombard jáne jáne ózge de ǵımarattar bar.

Oǵan qosa 147 avtokólik zaqymdandy. Onyń ishinde 119 memlekettik avtokólik esepteldi. Al lombard jáne ańshylyq dúkeni sekildi 2 kásipkerlik nysannan múlikter urlanǵan.

Jappaı tártipsizdik kezinde jalpy 210 adam túrli dene jaraqatymen aýrýhanalarǵa kóringen. Olardyń qatarynda polıtsııa qyzmetkerleri de bar.

«Atalǵan derekter boıynsha QR Qylmystyq kodeksiniń birneshe babymen 59 qylmystyq is tirkeldi. Jappaı tártipsizdik jáne qarýly shabýyl qylmysyna qatysy bar degen kúdikpen 99 adam ustaldy. Bul azamattar der kezinde advokattar qamtamasyz etilgen. Sondaı-aq, polıtsııa qyzmetkerleriniń tarapynan zańsyz is-áreketterge jol berýiniń aldyn alý maqsatynda barlyq ustalǵandar sot-medıtsınalyq saraptamasynan ótkizildi. Osydan keıin qamaýǵa alý sharalary qabyldandy. Sot sheshimi negizinde 22 adam qamaýdan bosatyldy», - dedi oblystyq Polıtsııa departamenti bastyǵynyń orynbasary Baıjan Baıgeldi.

Eske salsaq, budan buryn Qyzylorda turǵynynan áskerı qyzmetshilerge tıesili qarýlar tabyldy.



Joǵary qaraı